YOHANES 15:7 - WUKE SUSI WATTI'U AL᷊AL᷊USASSA

⁷ Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

YOHANES 15:7 Iomraidhean Croise

1 MARARATU 3:5

Rabbi udde Mawu naipasilon batangan-Ne si tou sulal᷊ummu waliawa wuṛṛu nabbisara, “Salomo, paddorongke apa apan ipaapulunu, iddi sarun Ta'u ionggila si'o!”

AYUB 22:26

Ne i'o sidutu wotongnge mangimanna Ruata, wuṛṛu maasingkatta manungku i Tou punnu lal᷊umannangngu.

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.

AMSAL 4:4

i ya'u aaṛṛannu iamangku. I tou mabbisara, “Paanaungete manga tatantiro'u, imbaṛṛangnga i'o maabul᷊ine. Amata'e manga tatantiro'u tadea'u i'o sidutu mabbiakka su lal᷊umanna'a.

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

MATIUS 7:7

“Paddorongke, ne i yamiu sarun manengkamma. Paddea'e, ne i yamiu sarun maasomba. Panengkelle, ne i yamiu sarun pamu'anna ngara.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 16:23

Su allo udde, i yamiu tate maiwal᷊o manga apa si Ya'u. Pangimante: Al᷊awo'u apa apan raddoronganni yamiu su Iamangnga sulal᷊ummu arang-Ku, udde sarun ionggolu Iamangnga si yamiu.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

YOHANES 8:37

Atonna i Ya'u masingkatta manungku i yamiu indi papapulunni Abraham. Arawe i yamiu maapulu mamate si Ya'u, ana waugu i yamiu maddiri manarimmattu al᷊aṛṛa-U.

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

TAHIUL᷊E 6:6

Imbaṛṛangnga saran paassa ma'abul᷊i manga parenta-Ne apan ta'u nionggola si yamiu allo indi.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

1 YOHANES 2:14

I ya'u namoṛṛetu suratta indi si yamiu manga dario'a, ana waugu i yamiu maaillal᷊a Ruata Iamangnga. I ya'u namoṛṛettu suratta indi si yamiu, manga iamangnga, ana waugu i yamiu maaillal᷊a Ṛengetanna apan uddete ro'en al᷊amonane. I ya'u namoṛṛettu suratta indi si yamiu manga umbasanna maṛṛuala, ana waugu i yamiu matohassa. Wisaran Duata uatana'a sulal᷊ummu naungngu, wuṛṛu i yamiu suete nangema'i Al᷊al᷊eo.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

1 YOHANES 3:22

Wuṛṛu apa apan radoronganni ite wuassi Tou, i ite sarun maasomba, ana waugu i ite tuttuṛṛuta manga parenta-Ne wuṛṛu ma'ola'a apa apan maal᷊uassa naung-Nge.

1 YOHANES 5:14

Wuṛṛu i ite waṛṛani sumaruanna Ruata, ana waugu i ite mangngimanna manungku i Tou naddaringikka aal᷊iomanni ite, amungkangu i ite maddorongnga apa apan uatuṛṛuta su apulu-Ne.