YOHANES 15:24 - WUKE SUSI WATTI'U AL᷊AL᷊USASSA

²⁴ Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

YOHANES 15:24 Iomraidhean Croise

DARALO 81:15

ne i Ya'u masasaṛṛawutta mapasuṛṛubawan seetti mangitou, wuṛṛu maparugin anambon ro'appi mangitou.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MATIUS 21:32

Ana waugu i Yohanes Mananaṛṛani nirumanta, wuṛṛu namasilo si yamiu ola'u mabbiakka apan ipaapulu Mawu, arawe i yamiu madiri mangngimanna al᷊aṛṛangnge; arawe manga mallal᷊uṛṛu wose wuṛṛu manga wawine masandaga mangngimanna si tou. Arawe salaiwe i yamiu suete naasilo sarangkanambone udde, i yamiu tawe namal᷊u ṛingiṛṛanni yamiu wuṛṛu tate mangngimanna lai Mawu.”

MATIUS 9:33

Mawu Yesus nallimbuakke ghaṛṛaho lal᷊eo udde wuṛṛu su orassa udde lai taumata udde naawisarate apia. Taumata nambo isudde niṛṛumindu'a see nabbisara, “I yami taambe naasilo olangnge ereindi su Israel!”

MARKUS 2:12

I tou nabangunna wuṛṛu mal᷊iha-l᷊ihakka nanganu wilanne see sinumabangnga aellehanni mangitou sarangkanambone. Manga taumata udde naherangnga see nadalote Ruata. Unni mangitou, “Taambe saran paassa i ite naasilo arariadianna ereindi!”

LUKAS 24:19

“Watti'a apa?” aiwal᷊o Mawu Yesus. “Watti'a apan naṛṛia'a su Mawu Yesus, taumata Nazaret udde,” sasimbakki mangitou. “I Tou sangkatou nabi. Manga wisara-Ne wuṛṛu manga manara-Ne pia taṛṛinone – mapia su aellegu Ruata aroddi lai su aellegu awada'alla!

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

YOHANES 10:37

Amungkangngu i Ya'u tawe ma'ola'a manara apan tinantillu Iamangnga, i yamiu arie pangimanna si Ya'u.

YOHANES 12:10

Ana waugu udde manga imam tembonanne ma'apulu lai mamate si Lazarus;

YOHANES 12:45

Wuṛṛu taumata apan naasilo si Ya'u, naasilo lai si Tou apan nandolo-U.

YOHANES 14:9

Arawe Mawu Yesus sinumimbakka, “Mal᷊annute i Ya'u su sambau ringanni yamiu, i yamiu taambe lai naaillal᷊a si Ya'u, Filipus? Taumata apan naasilote si Ya'u, naasilote lai Iamangnga. Ereapa i'o wotongnge mabbisara, ‘Ta'ea'a Iamangnga si yami’?

YOHANES 15:21

Sarangkanambone udde sarun olaanni mangitou si yamiu, ana waugu i yamiu mallal᷊aṛṛenggeng-Ku, ana waugu i mangitou tawe maaillal᷊a si Tou apan nandolo-U.

YOHANES 15:22

Unnu wisara i Ya'u tawe nirumanta, wuṛṛu tawe namasingkattu sarangkanambone udde si mangitou, i mangitou tawe dosane. Arawe orassa indi i mangitou tawe mapassinaaddu rosa mangitou.

YOHANES 15:23

Taumata apan maddanting-Ku, maddantinnu Iamang-Ku.

YOHANES 16:9

I Tou sarun mapaal᷊iatta'a manungku tawe mangngimanna si Ya'u, udde lai rosa;

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 5:36

Arawe tatiala-U magewal᷊anna wuassu tatialan Yohanes. Apa apan niola-U orassa indi, eteudde manara apan nianggillu Iamangnga si Ya'u, mattiala manungku Iamangnga suete nandolo-U.

YOHANES 6:36

“Arawe ere sueten Ta'u niapaasingkatta si yamiu, salaiwe i yamiu suete naasilo si Ya'u, i yamiu tawe mangngimanna.

YOHANES 7:31

Manambo su wallattu manga taumata udde mannattakke mangngimanna si Tou, wuṛṛu mabbisara, “Amungkangngu Ratum Punnu Sal᷊amatta udde rumanta, apa i Tou wotongnge maaola'a mannamboanna al᷊aṛṛindu'a wuassu taumata indi?”

YOHANES 9:32

Ro'en panattaṛṛannu runia taambe niaringiṛṛanna pia taumata ma'apia taumata wuta ro'eniasungkangnga see wotongnge maasilo.

YOHANES 9:41

Mawu Yesus sinumimbakka, “Unnu wisara i yamiu wuta, i yamiu tawe marosa. Arawe ana waugu i yamiu mabbisara, ‘I yami ma'asilo,’ udde atappasanne i yamiu ta'e marosa.”

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.