YOHANES 15:20 - WUKE SUSI WATTI'U AL᷊AL᷊USASSA

²⁰ Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YOHANES 15:20 Iomraidhean Croise

YEHEZKIEL 3:7

Arawe walahannu Israel maddiri maddaringikka si'o, ewe'e i Ya'u lai tawe pandumanni mangitou. I mangitou sarangkanambone puane maatikka wuṛṛu apulune lullawangnga.

MATIUS 10:24

Al᷊aṛṛana'a si'ol᷊a tawe maasampal᷊iu hurune, wuṛṛu mangangimbe tawe maasampal᷊iu mawune.

MARKUS 10:39

“Wotongnge,” sasimbakki mangitou. Ne Mawu Yesus nabbisara apia si mangitou, “Atonna i yamiu sarun ma'inumma wuassu mangkon asasusa apan sarun inumang-Ku wuṛṛu sumutta sulal᷊ummu papaṛṛangnga apan sarun suttang-Ku.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

LUKAS 6:40

Tawe ana'a si'ol᷊a nangillembo wuassu hurune. Arawe ana'a si'ol᷊a apan nasuete si'ol᷊ane, sarun maola'a lai massul᷊ungngu hurune.

YOHANES 10:31

See manga taumatan Yahudi namurutta watu ipanuntungnga Mawu Yesus.

YOHANES 11:57

I mangitou nabbisara aroddi ana waugu manga imam tembonanne wuṛṛu manga taumatan Farisi suete namarenta manungku taumata apan masingkattu tampa Mawu Yesus, ṛinone mabal᷊o tadea'u i Tou wotongnge sametanna.

YOHANES 13:16

Mangke atonna wisara-U indi: Sangkatou allangnga tawe magewal᷊anna wuassu mawune, wuṛṛu sangkatou darol᷊oṛṛanna tawe magewal᷊anna wuassu mandarolokke.

YOHANES 5:16

Wuṛṛu ana waugu udde i mangitou mannattakke mapaasusa Mawu Yesus ana waugu i Tou mapaapian taumata su allon Sabatta.

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 8:51

Mangke atonna wisara-U indi, taumata apan tuttuṛṛutta wisara-U, tawe mate saran mal᷊annu-l᷊annu.”

YOHANES 8:52

See manga taumatan Yahudi udde nabbisara Mawu Yesus, “Orassa indi yami masingkatta I'o indi atonna-tonna niasuttannu setanna! I Abraham sassane natete, aroddi lai manga nabi. Arawe I'o mabbisara, ‘Taumata apan tuttuṛṛutta wisara-U, tawe mate saran mal᷊annu-l᷊annu.’

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

1 KORINTUS 4:12

i yami mammanara maṛṛimadda tadea'u maasomba anna. Amungkangngu i yami wontohanna, i yami mabbal᷊issu al᷊amatta; amungkangngu i yami pateanna, i yami masabbare;

2 KORINTUS 4:9

Manambo apan uasaseetti yami, arawe tawe saran paassa i yami uatana'a sassane. Wuṛṛu salaiwe masokka i yami puul᷊anna ma'oman sara manawo, arawe i yami tawe mate.

1 TESALONIKA 2:15

Manga taumata udde namate Mawu Yesus wuṛṛu manga nabi, see nanansara si yami. I mangitou masseettu anambon taumata, wuṛṛu Ruata atonna-tonna tawe mal᷊uassa si mangitou.

2 TIMOTIUS 3:12

Atonna anambon taumata apan maapulu mabbiakka mattaṛṛamawu, wuṛṛu mabbiakka uaaukka ringanni Kristus Yesus sarun sansaranna,

1 SAMUEL 8:7

wuṛṛu Mawu nabbisara, “Utungete anambon darorongngu walahannu udde si'o. Ana waugu wal᷊ine i'o apan ipaaddiri mangitou, ewe'e i Ya'u. I mangitou maddirite i Ya'u maola'a ratun mangitou.