YOHANES 15:16 - WUKE SUSI WATTI'U AL᷊AL᷊USASSA

¹⁶ Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 15:16 Iomraidhean Croise

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

DARALO 145:4

Maṛṛawa mappulunna taumata sarun maddalo inolaan-Nu wuṛṛu mamasingkattu atatohan-Nu.

DARALO 71:18

Oh Ruata, i ya'u ariewe pattantanga'a, ma'oman sara i ya'u matimmade wuṛṛu owananna, tadea'u i ya'u mapabbatti'u taṛino wuṛṛu atatohan-Nu su anambon papapulunna apan addantane.

AMSAL 11:30

Taumata apan susi sarun maatokka wiakke; taumata apan pande aatambanna mallal᷊aṛṛenggene.

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

MIKHA 5:7

Taumatan Israel apan ta'e uatana'a suwallattu manga walahanna sarun ere singa su pattangngannu manga winatangnga su mahurangnge ara'e su pattangngannu ammulannu domba su wadda'u nannal᷊o. Singa udde sinumutta su pattangngannu ammul᷊annu domba udde lapiddu maṛṛinda wuṛṛu mangke nanggaissa; tadewu apan naapallossu manga domba udde.

MATIUS 21:22

Al᷊awo'u apa apan raddoronganni yamiu su aal᷊iomanni yamiu, i yamiu sarun manengkamma, sambal᷊iate i yamiu mangngimanna.”

MATIUS 7:7

“Paddorongke, ne i yamiu sarun manengkamma. Paddea'e, ne i yamiu sarun maasomba. Panengkelle, ne i yamiu sarun pamu'anna ngara.

LUKAS 6:13

Napawe allote, i Tou namagote mallal᷊aṛṛenggen-Ne, see namilete sire mapul᷊o dua su atoune wuassu wallatti mangitou. I Tou nanagon sire mapul᷊o dua su atoune udde rasul. I mangitou eteudde:

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

YOHANES 15:5

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 10:41

tawe su anambon taumata ewe'e tumba'u si yami apan suete nipilen Ruata paarorone tadea'u maola'a manga tiala-Ne: I yami u'anna wuṛṛu ma'inumma ringanni Tou napawe i Tou nabbiakke apia wuassu papate.

WATTI'U MANGA RASUL 22:14

Wua'udde i tou nabbisara si ya'u, ‘Ruata iupungngu al᷊amonang kite suete namile si'o, tadea'u i'o maasingkatta pandumme wuṛṛu maasilo Mawu Yesus, Allangngu Ruata apan nanipussa apulun Ruata see madaringikka tingikku Mawu Yesus sassane.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

ROMA 9:21

Wal᷊inewe taumata apan na'ola'a tampa m bunga udde na'ola'a leta'a udde walate apulun naungngi tou? Wuassu sangkompenga leta'a taumata udde nallanginnu tampan bunga udde darua hatine; sambau mapia wuṛṛu sambau lai tawe tumaniten mapia.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

2 TIMOTIUS 1:11

Su ipabbatti'u Watti'u Al᷊al᷊uassa uddewe Ruata namile si ya'u maola'a rasul wuṛṛu huru.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

TITUS 1:5

I ya'u manantangngu su Kreta tadea'u i'o wotongnge mangatokku manga manara apan ta'e wotongnge iaatokka. Wuṛṛu tadea'u lai i'o mamile manga piaṛṛa'u jamaatta su al᷊awo'u soa. Wuṛṛu paanaunge manga tantiro'u indi:

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

YAKOBUS 3:18

Atonna apapia udde wuan bualannu padarame apan niasi'u taumata apan maapulun padarame!

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

1 PETRUS 3:2

ana waugu i mangitou naasilote pallal᷊agunu apan matul᷊idda wuṛṛu susi.

1 YOHANES 4:10

Ete indi aakkanna: Wal᷊ine i ite apan suete niumakkannu Ruata, arawe Ruata apan niumakkanni ite wuṛṛu nandolokku Anang-Nge tadea'u wuassi Tou i ite maasomba aampungu rosan kite.

1 YOHANES 4:19

I ite mandangngu, ana waugu Ruata doronete nandangngu si ite.