YOHANES 15:15 - WUKE SUSI WATTI'U AL᷊AL᷊USASSA

¹⁵ I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 15:15 Iomraidhean Croise

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

AMSAL 18:24

Pia gawe apan tawe satia, pia lai gawe apan mappianne wuassu tuṛṛangnga.

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

LUKAS 10:23

See Mawu Yesus nanaile mallal᷊aṛṛenggen-Ne, see nabbisara si mangitou sassane, “Auntunganna si yamiu ana waugu suete naasilo apa apan niasiloanni yamiu orassa indi.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 13:16

Mangke atonna wisara-U indi: Sangkatou allangnga tawe magewal᷊anna wuassu mawune, wuṛṛu sangkatou darol᷊oṛṛanna tawe magewal᷊anna wuassu mandarolokke.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YOHANES 16:12

Manambo lai Ta'u iwal᷊o si yamiu, arawe orassa indi yamiu tawe maasengkamma.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

YOHANES 4:19

“Orassa indi ya'u naasingkatte Mawu sangkatou nabi,” unnu wawine udde.

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

ROMA 7:15

Ana waugu i ya'u sassane tawe maasunna pallal᷊agu'u. Manga inolaanna apan ipaapulu'u, tawe ta'u olaanna, arawe manga inolaanna ipaadiri'u, udde a'olaangku.

1 KORINTUS 2:16

Sulal᷊ummu Wuke Susi uawoṛṛetta, “Isai massingkatu ṛingiṛṛannu Mawu? wuṛṛu isai wotongnge mangal᷊aṛṛa'a si Tou?” Ete i ite apan uatahuanna ṛingiṛṛanna apan uasul᷊ungngi Kristus!

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

KOLOSE 1:26

eteudde watti'a ro'en al᷊amonane apan sidutu iaadappingu Ruata su anambon taumata, arawe orassa indi niapaal᷊iatta'a su al᷊aṛṛanang-Nge.

FILEMON 1:16

Orassa indi i tou wal᷊ine tumba'u sangkatou allangngu, i tou nangillembo wua isudde. I tou uddewe nassul᷊ungngu taumatan Saṛṛani apan arangnguanna. I tou lembon mahuna si'u, lembonete lai si'o! I tou lembon mahuna lai mawae ere sangkatou allangnga aroddi lai ere sangkatou tuṛṛangnga sulal᷊ummu Mawu!

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

1 PETRUS 1:11

I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.