YOHANES 15:11 - WUKE SUSI WATTI'U AL᷊AL᷊USASSA

¹¹ Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

YOHANES 15:11 Iomraidhean Croise

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

LUKAS 15:23

Wua'udde panganute ana'u sapi atawanne wuṛṛu pototte. I ite sarun umanna wuṛṛu lumuassa.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

LUKAS 15:5

Wuṛṛu napawe i tou naasombate apia domba udde, i tou aroddi lulluassa na'oman sara pinasanna domba udde su wambangnge,

LUKAS 15:9

Su tempo i tou naasomba roitta udde, i tou namago manga hawene wuṛṛu manga al᷊indonganne, see nabbisara, ‘I ya'u lulluassa atonna ana waugu niasombangante apia roi'u apan nawul᷊i. Wette i ite lumuassa!’

YOHANES 16:24

Na'oman sara orassa indi yamiu taambe nadorongnga manga apa sulal᷊ummu arang-Ku. Padorongke, ne i yamiu sarun manengkamma, tadea'u al᷊al᷊uannu udde masuungnga.”

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 17:13

Orassa indi i Ya'u rumanta ringannu Iamangnga. Sarangkanambone indi iwal᷊o'u tantal᷊anna i Ya'u ta'e su runia; tadea'u i mangitou ringannu nasuungnga mamendamma al᷊al᷊uassa wuassia-U.

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

FILIPI 1:25

I ya'u mangngimanna su olangnge udde. Ana waugu udde i ya'u masingkata, i ya'u sidutu uatana'a ringanni yamiu sarangkanambone, tadea'u wotongnge mantul᷊ungngi yamiu maola'a lembon matohassa wuṛṛu lembon mal᷊uassa sulal᷊ummu pangangimanna su Mawu.

1 TESALONIKA 5:16

Ṛinone i yamiu sidutu lulluassa,

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

1 YOHANES 1:4

I yami namoṛṛetu indi tadea'u naungngi ite atonna-tonna mal᷊uassa.

2 YOHANES 1:12

Ta'e manambo atonna apan ta'u iwal᷊o si yamiu, arawe pendamanna apianne tawe sulal᷊ummu suratta. I ya'u mangantimma wotongnge maatembo wuṛṛu maggahaton kamiu, tadea'u naungngi ite atonna-tonna lulluassa.