YOHANES 15:10 - WUKE SUSI WATTI'U AL᷊AL᷊USASSA

¹⁰ Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

YOHANES 15:10 Iomraidhean Croise

2 SAMUEL 22:22

I ya'u tuttuṛṛutta parentan Mawu, wuṛṛu tawe tumal᷊iudda Ruata'u.

2 MARARATU 18:6

wuṛṛu matuṛutta si Tou. Tawe saran paassa i tou nilumawanga Mawu. Al᷊awo'u parentan Mawu apan nionggola wuassi Musa, iapaamatti Hizkia ringannu atonna-tonna.

SASABANGNGA 7:6

I Musa wuṛṛu i Harun tinumuṛṛutta srangkanambone apan nirolokku Mawu.

YESAYA 50:5

Mawu nangonggollu pasasunna si ya'u; i ya'u tawe lumawangnga ara'e tinumal᷊iudda si Tou.

YOHANES 10:18

Tawe saran sangkatou wotongnge mangaṛṛo wuassia-U. I Ya'u manantilla wuassu apulu-U sassane. I Ya'u uataṛṛino manantilla, wuṛṛu uataṛṛino mangul᷊e apia. Eteudde manara apan Ta'u sinengkakama wuassu Iamang-Ku.”

YOHANES 12:49

Ana waugu i Ya'u tawe mabbisara wuassu apulu-U sassane; Iamangnga apan nanadolo-U, ete i Tou apan namarenta si Ya'u apa apan Ta'u iwisara wuṛṛu iapaasingkatta.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YOHANES 14:31

Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u. Ne, wette i ite inaite mangingkatta wua isindi.”

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 8:29

Wuṛṛu i Tou apan nandolo-U indi su sambau ringang-Ku. I Tou tawe mamala-U sassane, ana waugu i Ya'u sidutu ma'ola'a inolaanna apan maal᷊uassa naung-Nge.”

YOHANES 8:55

arawe i yamiu tawe maaillal᷊a si Tou. Arawe i Ya'u maaillal᷊a. Amungkangngu i Ya'u mabbisara manungku i Ya'u tawe maaillal᷊a si Tou, ne i Ya'u sangkatou taṛṛa awusu, ere lai yamiu. I Ya'u maaillal᷊a si Tou wuṛṛu tuttuṛṛutta wisara-Ne.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

2 PETRUS 2:21

Mappianne manga taumata ereudde tawe saran paassa naasingkata lal᷊annu apapian Duata, wuassu i mangitou masingkata, arawe wua'udde maddiri tumuṛṛutta manga parenta apan nionggolu Ruata si mangitou.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 2:5

Arawe taumata apan matuṛṛutta wisaran Duata, taumata udde marangngu Ruata ringannu nasuungnga. Udde tatialane manungku i ite mabbiakka uaaukka ringannu Ruata.

1 YOHANES 2:6

Isai-sai nabbisara manungku i tou mabbiakka uaaukka ringannu Ruata, i tou ṛinone mabbiakka manantuṛṛutta lempangi Kristus.

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.