YOHANES 15:1 - WUKE SUSI WATTI'U AL᷊AL᷊USASSA

¹ Mawu Yesus nabbisara apia, “I Ya'u punnu anggore apan tutune, wuṛṛu Iamang-Ku mabbawaille.

YOHANES 15:1 Iomraidhean Croise

ANTARI MAWANTUGA 7:12

Weette iaddua maṛṛanggapa inai su wailla, wuṛṛu ma'ellega tanne punnu anggore nallal᷊uwote, tanne punnu delima nakkuangke. Poiaroddi i ya'u sarun mangonggollu naungku si'o.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEREMIA 12:10

Manambo tembonannu raho apan buatte nanggohakku waillu anggore pussa'a-U wuṛṛu ringanna naṛṛinda manga wawail᷊ang-Ku. Wanua-U apan maṛṛansangnga niwal᷊un mangitou nabbal᷊i wadda'u anne apan mal᷊annabba.

YEREMIA 2:21

I'o Ta'u nisuanna ere punnu anggore apan Ta'u nipile wuassu wualanna apan apianne. Arawe orassa indi i'o nawal᷊ute, naola'a sasuanna lul᷊u wuṛṛu tawe gunane.

YEHEZKIEL 19:10

Inangngu naal᷊ihidda punnu anggore maṛṛansanga apan tuttuwo su wailla maranin sungene. I tou naola'a mapaṛṛampunga wuṛṛu nabbua ana waugu isudde ua'e marasai.

HOSEA 10:1

Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.

ZAKARIA 3:8

Paddaringikke ei Imam Bahewa Yosua, wuṛṛu lai i yamiu manga imam apan naola'a ringanne, i yamiu sarangkanambone uddewe waneṛṛa tempo addantane apan mapia. Sutempo udde i Ya'u sarun mandolokku allang-Ku apan isassago ‘Sambau Solla’.

MATIUS 15:13

Mawu Yesus sinumimbakka, “Manga sinuananna apan tawe nisuannu Iamangku su surga sarun abbutanna.

MATIUS 20:1

“Napawe Ruata mamarenta, olangnge ere sasumandingnga indi: Sangkatou tatahuannu waillu anggore sinumabangnga su tempo rua'allo madea'a taumata iapamanara su waillu anggorene.

MATIUS 21:33

“Daringiṛṛe sasumandingnga sambau indi lai,” unnu Mawu Yesus. “Sangkatou tatahuannu leta'a nassuanna su sambau waillu anggore. I tou na'ola'a paggala pinamal᷊iwutta, wuṛṛu na'al᷊i, loṛṛangnga pangadoannu pamamakannu anggore, wua'udde niapararisikke wal᷊em pandariaganna. Wua'udde i tou napasewatem baillu anggore udde su mamamanarane, see i tou nangingkatte su wanua waine.

MARKUS 12:1

Wua'udde Mawu Yesus nanattakke mangngaṛṛa'a ringannu sasumandingnga su manga imam tembonanne, manga hurun agama wuṛṛu manga piaṛṛa'u Yahudi udde. Mawu Yesus nabbati'e, “Pia sangkatou nassuanna su sambau waillu anggore, see wailla udde pinal᷊iwutannu paggala. Wua'udde i tou naal᷊i loṛṛangnga pa'olaanna pamakkannu anggore, see i tou napararisikku wal᷊em pandariaganna. Wua'udde i tou napasewan waillu anggore udde su sire pira mammamanara, see inaite su wanua waine.

LUKAS 13:6

Wua'udde Mawu Yesus nabbati'u sasumandingnga indi, “Pia sangkatou taumata uatahuanna alu ara su waillu anggorene. Su sambau allo i tou inaite maddea'a wuang kalu udde, arawe tawe naasomba saran sambau.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 1:9

Semakka tutune apan mannemakka anambon taumata, nirumanta su runia.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YOHANES 6:32

See Mawu Yesus nabbisara si mangitou, “Pangimante: Wal᷊ine i Musa ewe'e ete Iamang-Ku apan nangonggolu roti suṛṛinone wuassu surga.

YOHANES 6:55

Ana waugu ṛeme-U atonna-tonna udde anna, wuṛṛu raṛṛa-U atonna-tonna udde inumanna.

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

1 KORINTUS 3:9

Ete i yami udde manga taumata apan mammanara suadio'a manaran Duata; wuṛṛu eteudde i yamiu waillu Ruata. Manga tuṛṛangnga naola'a lai Wal᷊e Ruata.

1 YOHANES 2:8

Salaiwe aroddi, parenta apan ta'u niwoṛṛeta indi wakku lai; ana waugu atatul᷊ide wotongnge aellehanna su wadangi Kristus wuṛṛu lai su wadangi yamiu. Ana waugu araranduma mabbul᷊ite wuṛṛu asasemakka apan atonna mannatake lullansiangnga.