YOHANES 14:24 - WUKE SUSI WATTI'U AL᷊AL᷊USASSA

²⁴ Taumata apan tawe mandangngu si Ya'u, tawe tumuṛṛutta al᷊aṛṛa-U. Al᷊aṛṛa'a apan niaringiṛṛanni yamiu udde, wal᷊ine wuassia-U, ewe'e wuassu Iamangnga apan nandolo-U.

YOHANES 14:24 Iomraidhean Croise

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

YOHANES 14:10

Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

YOHANES 14:25

Sarangkanambone udde suete niwal᷊o-U si yamiu, tantal᷊anna i Ya'u ta'e su sambau ringanni yamiu.

YOHANES 3:11

Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

YOHANES 5:19

Mawu Yesus sinumimbakka su manga taumata udde arendi, “Pangimante, Ana'a tawe mapa'ola'a al᷊awo'u inolaanna ringannu taṛṛino-Ne sassane. I Tou tumba'u maaola'a apa apan niasiloanni Tou niola'u Iamang-Nge. Ana waugu apa apan niola'u Iamangnga, udde lai a'olaannu Ana'a.

YOHANES 5:38

Manga wisara-Ne tawe maaddo sulal᷊ummu naungngu ana waugu i yamiu tawe mangngimanna si Ya'u apan nirolokki Tou.

YOHANES 7:16

Mawu Yesus sinumimbakka, “Apan Ta'u ia'aṛṛa'a indi wal᷊inewe al᷊aṛṛa-U arawe al᷊aṛṛa'i Tou apan nandolo-U.

YOHANES 7:28

Wua'udde, tantal᷊anna Mawu Yesus mangngaṛṛa'a su Wal᷊e Mawu, i Tou nangintul᷊i ringannu tingikka ma'ikkatta, “Nariaddi yamiu masingkatta isai i Ya'u indi, wuṛṛu wuassuapa i Ya'u nirumanta? I Ya'u tawe nirumanta ana waugu apulu-U sassane. I Ya'u nirolokki Tou apan pia taṛṛino wotongnge mandolo-U, wuṛṛu i Tou wotongnge apangimananna. Arawe i yamiu tawe maaillal᷊a si Tou.

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.

YOHANES 8:38

Apa apan niasiloang-Ku wuassu Iamang-Ku eteudde apan iwabbisara-U. Arawe i yamiu tuttuṛṛutta apa apan iaaṛṛa'i iamangngu si yamiu.”

YOHANES 8:42

See Mawu Yesus nabbisara si mangitou, “Unnu wisara Ruata udde Iamangngu, i yamiu sarun mandangngu si Ya'u, ana waugu i Ya'u nirumanta wuassu Ruata. I Ya'u tawe nirumanta ringannu apulu-U sassane, arawe ete i Tou apan nanadolo-U.