YOHANES 14:2 - WUKE SUSI WATTI'U AL᷊AL᷊USASSA

² Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

YOHANES 14:2 Iomraidhean Croise

LUKAS 14:22

Wua'udde mangangimbe udde nabbisara, ‘Tua, parentan Tuanga suete niapaamatta, arawe tampa ta'e manambo.’

YOHANES 13:33

Manga al᷊aṛṛana-U, i Ya'u tate matana'a mal᷊annu lai ringanni yamiu. I yamiu sarun maddea'a si Ya'u, arawe ere suete niwal᷊o-U su manga tembonannu Yahudi, aroddi lai iwal᷊o-U si yamiu; su tampa patuddang-Ku, i yamiu tawe maaranta isudde.

YOHANES 13:36

“Mawu, Mawu inai watukkuapa?” aiwal᷊on Simon Petrus su Mawu Yesus. Mawu Yesus sinumimbakka, “Su tampa tuddang-Ku, i'o tawe maatantalongnga orassa indi. I'o sarun tumantalongnga si Ya'u sal᷊immurine.”

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

1 TESALONIKA 5:9

Ruata namile si ite wal᷊ine iṛṛuumanna, arawe tadea'u maasomba asasal᷊amatta wuassu Mawun kite Yesus Kristus.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 11:10

Ana waugu i Abraham tantal᷊anna uaraṛṛaddo soa apan ilakki'inna wuṛṛu iapararisikku Ruata ringannu rapappake apan matohassa.

IBRANI 13:14

Ana waugu su runia, i ite tawe tampa atatanaanna apan mal᷊annu; i ite maddea'a tampa atatanaanna apan sarun dumanta.

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

IBRANI 9:8

Ringannu atoranna udde, Ghaṛṛahon Ruata napaal᷊iatta'a ringanu masemakka, manungku tantal᷊anna rasanna su saruanne udde ta'e uarisikka, lal᷊anna suttanna watukku Wabbo'a Lembon Susi udde taambe mawu'a.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.