YOHANES 13:5 - WUKE SUSI WATTI'U AL᷊AL᷊USASSA

⁵ Wua'udde i Tou nallal᷊innu ua'e sulal᷊ummu sambau pangangukasanna lima, see nanattakke nangukassa ledda manga mallal᷊aṛṛenggen-Ne wuṛṛu niapaamaran handukka apan uawa'issa su lawan-Ne.

YOHANES 13:5 Iomraidhean Croise

PANDARIADDI 18:4

Wala'ewe i ya'u manganu ua'e ipangukkassa ledda manga Tuangnga. Ringannu addata wette manga Mawu pangillol᷊ote su al᷊ungngu alu indi.

PANDARIADDI 19:2

wuṛṛu nabbisara, “Manga Tuangnga, wette otonga'e asuene su wal᷊e'u. Manga Tuangnga wotongnge mangukkassa ledda wuṛṛu manaṛṛabbi su wal᷊e'u. Tiṛṛabbi wuṛṛu wotongnge, manga Tuangnga matimpu'o maruaallu atonna ana see manassukku amatanna.” Arawe itarua sinumimbakka, “Tarimakase, wala'e iambua manaṛṛabbi su leta'u mal᷊alangngu soa.”

PANDARIADDI 43:24

ana see i tou nanguntuddi mangitou su wal᷊en. I tou nangonggolu ua'e aukkassa ledda, wuṛṛu lai annu keledain mangitou.

2 MARARATU 3:11

I Ratu Yosafat naiwal᷊o, “Apa isindi tawe nabi apan botongnge maiwal᷊o Mawu, hunan kite?” Sangkatou suwallatu tantaran Ratu Yoram sinumimbakka, “Pia, isudde i Elisa ana'i Safat! I tou dorone uasumbala si Elia.”

DARALO 51:2

napawe i tou nitaguanni Nabi Natan ana waugu sinumandaga si Batsyeba.

SASABANGNGA 29:4

Doloṛṛa'e i Harun wuṛṛu manga anangnge rumanta watukku ngaran Dasang-Ku wuṛṛu mamaresi wadangnga.

YESAYA 1:16

Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

IMAMATTA 14:8

Wua'udde taumata udde ṛinone mabbansalla laungnge, mallungukka anambon utangnge, wuṛṛu mandeno. Ne nawaresite i tou, wuṛṛu wotongngete sumutta sulal᷊ummu paddasananna, arawe al᷊annune pitu allo lai i tou taambe wotongnge sumutta sulal᷊ummu rasanne sassane.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

LUKAS 7:44

See Mawu Yesus na'ellega wawine udde wuṛṛu nabbisara si Simon, “I'o naasilo wawine indi? I Ya'u nirumanta su wal᷊enu, arawe i'o tawe nanaddia ua'e ipangukkassa ledda-U; arawe wawine indi suete nangukkassa ledda-U ringannu allo matane, wuṛṛu nipeddan utangnge.

YOHANES 13:10

“Taumata apan suete nandeno, nawaresite sarangkanambone,” wisara Mawu Yesus si Petrus. “I tou salaiwe tate waresianna; tumba'u leddane. I yamiu indi nawaresite, arawe tawe sarangkanambone.” (

YOHANES 13:6

Na'omate i Tou ringanni Simon Petrus, apan nabbisara, “Mawu, ṛatadde Mawu nangukkassa ledda'u?”

YOHANES 13:8

“Arie Mawu,” wisaram Petrus su Mawu Yesus, “Arie saran paassa Mawu mangukkassa ledda'u!” Arawe Mawu Yesus sinumimbakka, “Amungkangngu i Ya'u tawe mangukkassa leddanu, i'o tawe paa'aukka ringang-Ku.”

YOHANES 19:34

Arawe sandiṛṛannu Mawu Yesus niusu'u sangkatou tantara ringannu sambeangnga; wuṛṛu tawe nal᷊annu sinumabangke raṛṛa wuṛṛu ua'e.

WATTI'U MANGA RASUL 22:16

Orassa indi ariete i'o maṛṛado mal᷊annu. Darisikke wuṛṛu paisaṛṛanite. Sal᷊andete su Mawu tadea'u i'o iapaal᷊iu wuassu manga rosanu.’ ”

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

EFESUS 5:26

Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 5:6

Ete Yesus Kristus apan nirumanta su runia ringannu ua'en Sasaṛṛani wuṛṛu ringannu ṛaṛṛam papate-Ne. I Tou nirumanta wal᷊ine tumba'u ringannu ua'e sassane, arawe ringannu ua'e wuṛṛu ṛaṛṛa. Wuṛṛu Ghaṛṛahon Duata sassane nangonggolu tialane manungku udde atonna, ana waugu Ghaṛṛaho taambe namahia.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

MAL᷊AṚṚUUNGNGA 19:21

Wua'udde i mangitou niapidden tou watukku wal᷊ene ana see napaannu manga keledain mangitou. Wuṛṛu napawe manga rahone udde buatte nangukkassa ledda, i mangitou niumante.

1 SAMUEL 25:41

I Abigail lapiddu dirumarisikka wuṛṛu nassubba see lai nabbisara, “I ya'u indi allangngi Daud, ya'u uasaddia mangukkassa leddan manga allangnge.”