YOHANES 13:36 - WUKE SUSI WATTI'U AL᷊AL᷊USASSA

³⁶ “Mawu, Mawu inai watukkuapa?” aiwal᷊on Simon Petrus su Mawu Yesus. Mawu Yesus sinumimbakka, “Su tampa tuddang-Ku, i'o tawe maatantalongnga orassa indi. I'o sarun tumantalongnga si Ya'u sal᷊immurine.”

YOHANES 13:36 Iomraidhean Croise

YOHANES 13:33

Manga al᷊aṛṛana-U, i Ya'u tate matana'a mal᷊annu lai ringanni yamiu. I yamiu sarun maddea'a si Ya'u, arawe ere suete niwal᷊o-U su manga tembonannu Yahudi, aroddi lai iwal᷊o-U si yamiu; su tampa patuddang-Ku, i yamiu tawe maaranta isudde.

YOHANES 14:2

Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

YOHANES 16:17

Sire pira mallal᷊aṛṛenggennu Mawu Yesus uaaiwal᷊ote sangkatou ringannu waine, “Apa pandumanne i Tou nabbisara si ite, ‘Ete adio'a lai yamiu tate maasilo si ya'u, wuṛṛu ete adio'a lai yamiu sarun maasilo si Ya'u’? Apa lai pandummu wisara-Ne: ‘I Ya'u inai ringannu Iamangnga’?”

YOHANES 16:5

Arawe orassa indi Ya'u sarun inai ringanni Tou apan nandolo-U; wuṛṛu tawe saran sangkatou wuassi yamiu maiwal᷊o, watukkuapa i Ya'u inai.

2 PETRUS 1:14

Ana waugu i ya'u masingkatta manungku tate mal᷊annu lai ya'u sarun manantangngu runia indi, ana waugu Mawun kite Yesus Kristus suete namasingkatta si ya'u ringannu masemakka.