YOHANES 13:34 - WUKE SUSI WATTI'U AL᷊AL᷊USASSA

³⁴ Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

YOHANES 13:34 Iomraidhean Croise

DARALO 119:63

I ya'u uahahawen anambon taumata ma'imanna, anambon taumata apan tuttuṛutta parenta-Nu.

DARALO 16:3

I ya'u mangadata manga taumata susi su wanua indi; apuluangku eteudde uatana'a susambau ringanni mangitou.

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

YOHANES 15:17

Ete indi parenta-U si yamiu: Padarangngute sangkatou ringannu sangkatou.”

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

ROMA 13:10

Taumata apan mandangngu taumata waine tawe ma'ola'a al᷊al᷊eo su taumata udde. Nariaddi taumata apan mandangngu sansul᷊ungnge eteudde taumata apan suete tinumuṛṛutta anambon titan agama.

ROMA 13:8

Imbaṛṛangnga pia awallasa sisai-sai, tabene'e uawawallasa darangngu sangkatou ringannu waine. Ana waugu taumata apan marangngu su sansul᷊ungnge taumata, buatte nanuungngu anambon titan Musa.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

IBRANI 13:1

Ṛinone i yamiu sidutu mandangngu sangkatou ringannu waine ere sansul᷊ungngu manga taumatan Saṛṛani apan uasasangkatuṛṛanga.

YAKOBUS 2:8

I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

1 YOHANES 3:11

Ro'en paarorone suete niapaasingkata watti'a indi si yamiu: I ite ṛinone umakanna sangkatou ringannu waine.

1 YOHANES 3:23

Parenta-Ne si ite eteudde: I ite ṛinone mangngimanna Anang-Nge, eteudde Yesus Kristus, wuṛṛu i ite ṛinone uararangngu, ere suete niparentan Kristus si ite.

1 YOHANES 4:21

Ana waugu udde, ete indi parenta apan nionggoli Kristus si ite: Isai apan mandangngu Ruata, ṛinone lai mandangngu tuṛṛangnge.

2 YOHANES 1:5

Ana waugu udde, Inangku, i ya'u sumal᷊annde tadea'u i ite sarangkanambone uararangngu. Apa ta'u iwabbal᷊o indi wal᷊ine sambau tita apan wakku; tita indi suete nionggolla si ite ro'en i ite nanattakka mangngimanna.