YOHANES 13:33 - WUKE SUSI WATTI'U AL᷊AL᷊USASSA

³³ Manga al᷊aṛṛana-U, i Ya'u tate matana'a mal᷊annu lai ringanni yamiu. I yamiu sarun maddea'a si Ya'u, arawe ere suete niwal᷊o-U su manga tembonannu Yahudi, aroddi lai iwal᷊o-U si yamiu; su tampa patuddang-Ku, i yamiu tawe maaranta isudde.

YOHANES 13:33 Iomraidhean Croise

YOHANES 13:36

“Mawu, Mawu inai watukkuapa?” aiwal᷊on Simon Petrus su Mawu Yesus. Mawu Yesus sinumimbakka, “Su tampa tuddang-Ku, i'o tawe maatantalongnga orassa indi. I'o sarun tumantalongnga si Ya'u sal᷊immurine.”

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 14:2

Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

YOHANES 7:36

Apa pandumanne ringannu mabbisara manungku i ite sarun maddea'a si Tou, arawe tawe maasomba si Tou, wuṛṛu manungku i ite tawe maaranta su tampa i Tou uatana'a?”

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

1 YOHANES 4:4

Arawe Al᷊aṛṛana'u, i yamiu pussa'a Ruata. I yamiu suete napaaema'u manga nabi awusu, ana waugu Ghaṛṛaho apan tatahuananni yamiu lembon mataṛṛino wuassu ghaṛṛaho apan su taumata tatahuanannu runia indi.

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!