YOHANES 13:14 - WUKE SUSI WATTI'U AL᷊AL᷊USASSA

¹⁴ Amungkangngu i Ya'u Mawu wuṛṛu hurunu nangukkassa leddanu, i yamiu ṛinone lai uaa'ukkasa ledda.

YOHANES 13:14 Iomraidhean Croise

YOHANES 11:2

I Maria eteudde wawine apan nallal᷊innu lana mawangngi su ledda Mawu Yesus, wuṛṛu see niapun uta'i tou. Su sambau allo i Lazarus nirumada'a.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

1 KORINTUS 12:3

I yamiu ṛinone maasingkata, manungku taumata apan aehetannu Ghaṛṛahon Duata tawe maapabbisara, “Niawontohante Mawu Yesus!” Aroddi lai tawe saran sangkatou wotongnge mabbisara, “Tumba'u Mawu Yesus udde Mawu!” amungkangngu taumata udde tawe aehetannu Ghaṛṛahon Duata.

1 KORINTUS 8:13

Ana waugu udde, amungkangngu anna maaola'a si'o marosa, ne ya'u tate uminassa ṛemessa lai. Ana waugu aṛṛengenne tuṛṛangku marosa ana waugu i ya'u.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

FILIPI 2:11

I mangitou sarangkanambone sarun manga'u manungku ete Yesus Kristus udde Mawu; ringannu aroddi Ruata Iamangnga wantuhanna.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”