YOHANES 13:1 - WUKE SUSI WATTI'U AL᷊AL᷊USASSA

¹ Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

YOHANES 13:1 Iomraidhean Croise

AMSAL 8:31

I ya'u lulluassa su wowon dunia-Ne, wuṛṛu maapendamma lal᷊umanna'a suwallattu taumata.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

MATIUS 26:45

Wua'udde i Tou nabelengke apia ringannu mallal᷊aṛṛenggen-Ne wuṛṛu nabbisara, “Ta'e lai mattiilla i yamiu wuṛṛu mangngillol᷊o Pa'ellega, nia'omante tempone Ana'u Taumata itantilla su liman taumata marosa.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

LUKAS 22:53

Miallo-miallo i Ya'u su sambau ringanni yamiu su Wal᷊e Mawu, arawe i yamiu tawe manametta si Ya'u. Arawe indite tempone i yamiu manametta, su tempo taṛṛinon ararandumma mappaamattu manarane.”

LUKAS 9:51

Napawe maranite tempone Mawu Yesus masengkengnga watukku surga, i Tou nakkawessa inai mabatukku Yerusalem.

YOHANES 11:55

Tempo udde maranite Allo Wahewam Paskahn Yahudi. Manambo taumata wuassu manga ampungnga inai watukku Yerusalem mallaghum pamamaresi wadangnga tantal᷊anna taambe ramea udde.

YOHANES 12:23

Mawu Yesus nabbisara si mangitou, “Nia'omante tempone Ana'u Taumata wantuhanna.

YOHANES 13:29

Piaddu massunna Mawu Yesus mandolokki Yudas mamalli sarannapa apan ipaatta su andeangnga udde, ara'e mangonggolu roitta adio'a su taumata asiangnga ana waugu i Yudas eteudde sangkatou mananahipunna roitti mangitou.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 13:34

Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

YOHANES 14:28

Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U.

YOHANES 14:31

Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u. Ne, wette i ite inaite mangingkatta wua isindi.”

YOHANES 16:28

Atonna i Ya'u nirumanta wua dingannu Iamangnga, wuṛṛu suete nirumanta sulal᷊ummu runia. Arawe orassa indi Ya'u manantangken runia inai mabelengnga ringannu Iamangnga.”

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

YOHANES 17:16

Ere lai Ya'u wal᷊ine pussa'an runia, i mangitou lai wal᷊ine pussa'an runia.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 17:5

Iamangnga! Wantuhete i Ya'u orassa indi ringannu Iamangnga, ringannu awawantuga apan tatahuanang-Ku suadio'a ringannu Iamangnga ro'en runia indi taambe nariaddi.

YOHANES 18:4

Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”

YOHANES 19:28

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

YOHANES 2:13

Napawe Allo Wahewam Paskah Yahudi maranite, Mawu Yesus inaite watukku Yerusalem.

YOHANES 6:4

Tempo udde maranite Allo Wahewam Paskah Yahudi.

YOHANES 7:30

Su tempo udde i mangitou ma'apulu manametta Mawu Yesus, arawe tawedu waṛṛani mangagassa si Tou, ana waugu taambe nia'omanna tempone.

YOHANES 7:6

“Taambe tempone si Ya'u,” unnu Mawu Yesus si mangitou, “arawe si yamiu, suapan tempo udde wotongnge.

YOHANES 8:20

Sarangkanambone udde niwisara Mawu Yesus su tempo i Tou tantal᷊anna mangngaṛṛa'a su Wal᷊e Mawu marani manga pangangadoannu roitta sasamba. Arawe tawe saran sangkatou apan nanametta si Tou, ana waugu taambe nia'omanna tempone.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 YOHANES 4:19

I ite mandangngu, ana waugu Ruata doronete nandangngu si ite.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,