YOHANES 12:42 - WUKE SUSI WATTI'U AL᷊AL᷊USASSA

⁴² Salaiwe aroddi, manambo taumata, ewe'e lai su wallattu tembonannu Yahudi lai mangngimanna Mawu Yesus. Arawe i mangitou tawe waṛṛani manga'u udde ringannu uahahati, ana waugu i mangitou matta'utta aṛṛengenne taumatan Farisi maningaddi mangitou sumutta su wal᷊em pattataṛṛamawuanna.

YOHANES 12:42 Iomraidhean Croise

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YEREMIA 38:19

Ratu sinumimbakka, “I ya'u matta'uttu manga taumatan balahanni ite apan buatte tinumal᷊angnga ringannu taumatan Babel. Aṛṛengenne i ya'u itantilla si mangitou wuṛṛu sansaranna.”

MATIUS 10:32

“Isai-sai manga'u su saruannu awadaalla manungku i tou mallal᷊aṛṛenggeng-Ku, i Ya'u lai sarun manga'u si tou su saruannu Iamangku su surga.

LUKAS 12:8

“Paanaunge mapia-pia: Taumata apan nanga'u su saruannu awada'alla manungku i tou mallal᷊aṛṛenggeng-Ku, i tou sarun a'uannu Ana'u Taumata lai su saruannu manga mala'ekattu Ruata.

LUKAS 23:13

I Pilatus nangammullu manga imam tembonanne, wuṛṛu manga piaṛṛangnge, wuṛṛu lal᷊oṛṛon soa,

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

YOHANES 11:45

Manambo manga taumatan Yahudi nirumanta mattembo si Maria, nangimanna Mawu Yesus su tempo i mangitou naasilo arariaddianna udde.

YOHANES 12:11

ana waugu ete i tou naanambo taumatan Yahudi nanantangngi mangitou, wuṛṛu nangimanna Mawu Yesus.

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

YOHANES 19:38

Wua'udde i Yusuf wuassu Arimatea nadorongnga si Pilatus, mangal᷊appa winal᷊unannu Mawu Yesus. (I Yusuf eteudde mallal᷊aṛṛenggennu Mawu Yesus, arawe ringannu mal᷊annaba, ana waugu i tou matta'uttu manga tembonannu Yahudi.) I Pilatus namalaten tou, wua'udde i tou inaite nangal᷊appa winal᷊unannu Mawu Yesus.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 7:13

Arawe tawe saran sangkatou waṛṛani mabbisara uasasaruanna su ola'i Tou ana waugu i mangitou matta'uttu manga tembonannu Yahudi.

YOHANES 7:31

Manambo su wallattu manga taumata udde mannattakke mangngimanna si Tou, wuṛṛu mabbisara, “Amungkangngu Ratum Punnu Sal᷊amatta udde rumanta, apa i Tou wotongnge maaola'a mannamboanna al᷊aṛṛindu'a wuassu taumata indi?”

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YOHANES 9:34

Sasimbakki mangitou, “Apa? I'o apan napenen rosa ro'e niariaddine, i'o ma'apulu mangngaṛṛa'a si yami?” Ne nanattakka orassa udde i tou isassingadde sumutta su wal᷊em pattataṛṛamawuanna.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

ROMA 10:10

Ana waugu ringannu naungnge taumata mangngimanna, na'oman sara Ruata nanengkamma si tou naola'a sangkatou taumata apan uasasangkapia Ruata. Wuṛṛu ringannu moṛṛongnge taumata mangnga'u, na'oman sara i tou naasomba asasal᷊amatta.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

1 YOHANES 4:2

Ereindi olangnge tadea'u i yamiu maasingkata apa udde Ghaṛṛahon Duata ara'e tawe: Taumata apan mangnga'u Yesus Kristus nirumanta su runia naola'a taumata, taumata udde pia Ghaṛṛaho apan darantane wuassu Ruata.