YOHANES 12:35 - WUKE SUSI WATTI'U AL᷊AL᷊USASSA

³⁵ Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YOHANES 12:35 Iomraidhean Croise

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YEREMIA 23:12

Ana waugu udde, lal᷊anni mangitou sarun mal᷊ewakka wuṛṛu marandumma, na'oman sara i mangitou matara wuṛṛu mal᷊iundu'a. I Ya'u sarun mandantan asasilaka si mangitou, napawe nia'omante tempone makkuumanni mangitou. I Ya'u, Mawu, buatte nabbisara.

LUKAS 18:37

“Mawu Yesus taumata Nazaret udde, sumabbi,” unni mangitou si tou.

YOHANES 11:10

Arawe taumata apan u'amatta su tempo ṛabbi, mattara ana waugu tawe asasemakka si tou.”

YOHANES 11:9

“Wal᷊inewe allo al᷊annune mapul᷊o dua su oranne?” Wisara Mawu Yesus. “Taumata apan u'amatta su tempo allo, tawe matara ana waugu i tou ma'asilo semakku runia indi.

YOHANES 12:36

Pangimante su semakka udde, tantal᷊anna semakka udde ta'e ringanni yamiu, tadea'u i yamiu maola'a al᷊aṛṛana'u asasemakka.” Napawe Mawu Yesus suete nabbisara aroddi, i Tou nangingkatte wua isudde wuṛṛu maddirite mattingkapasilom batangan-Ne si mangitou.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 16:16

“Ete adio'a lai tempone, i yamiu tate maasilo si Ya'u, wuṛṛu ete adio'a lai tempone i yamiu sarun maasilo si Ya'u.”

YOHANES 7:33

Mawu Yesus nabbisara su taumata nambo su Wal᷊e Mawu, “Ete lai tal᷊ang kadio'a i Ya'u su sambau ringanni yamiu. Wua'udde i Ya'u sarun mabelengnga ringanni Tou apan nandolo-U.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

2 KORINTUS 3:14

Ṛingiddi mangitou nawul᷊ite. Wuṛṛu na'oman sara allo indi lai ṛingiṛṛanni mangitou ta'e lal᷊indumannu tatindungnga su tempo i mangitou mabbasa manga wuken paaire tabbe udde. Lal᷊indumma udde mante mawu'a amungkangngu taumata uaaukka ringanni Kristus.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.