YOHANES 12:29 - WUKE SUSI WATTI'U AL᷊AL᷊USASSA

²⁹ Awada'alla isudde naaringikka tingikka udde. I mangitou nabbisara, “Udde rallu'a!” Arawe piaddu lai nabbisara, “Wal᷊ine! Mala'ekatta uahahatton Tou!”

YOHANES 12:29 Iomraidhean Croise

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

SASABANGNGA 19:16

Su allo atallune, su tempo marua allo, pia dallu'a wuṛṛu sawallo. Winabbawa apan maappala nilumapputa wuassu puiddu wowone wuṛṛu niaringikke tingikku trompetta apan tumaniten ma'ikatta. Anambon taumata su paddasananna mangngindon atata'utta.

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

YEHEZKIEL 10:5

Tingikku sal᷊iappakku papaiddu manga mala'ekatta udde aaringiṛṛanna sara rallakka su liudde, naal᷊ihidda tingikku Ruata Apan Atanggaṛṛanne.

WATTI'U MANGA RASUL 9:7

Manga taumata apan uatantalongnga suadio'a ringanni Saulus, niṛṛumindu'a na'oman sara tawe napatuntingikka; ana waugu i mangitou naaringikka tingikka udde arawe tawe naasilo taumatane.

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 14:2

See i ya'u naaringikka tingikka wuassu langitta mangngelekka naal᷊ihidda tingikku ua'e wahewalla apan mappampassa wuṛṛu naal᷊ihidda tingikku rallu'a apan masaddata. Tingikka udde niaṛṛingiṛṛana naal᷊ihidda tingikku musikka wuassu mananalangnga kecapi apan tantal᷊anna mannengkella kecapine.

SONDAPPA 6:1

Wua'udde i ya'u naasilo Ana'u Domba udde namesangnga segele paarorone su wallatu segele pitu udde. See ya'u naaringikka sambau su wallatu riadianna udde nabbisara, “Wette!” Tingikke naal᷊ihidda ere tingikku rallu'a.

SONDAPPA 8:5

Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.