YOHANES 12:26 - WUKE SUSI WATTI'U AL᷊AL᷊USASSA

²⁶ Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 12:26 Iomraidhean Croise

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

AMSAL 27:18

Isai mappadul᷊i aaluanna, sarun umanna wuane. Mangangimbe sarun iarega amungkangngu marangngu mawune.

REENGANNA 14:24

Arawe tawe aroddi su allang-Ku i Kaleb. I tou sidutu matuṛṛutta si Ya'u. Ana waugu udde i Ya'u sarun mangapiddi tou watukku wanua apan buatte nisuttanni tou. Orassa indi taumatan Amalek wuṛṛu taumatan Kanaan uatana'a su ratakke udde. Arawe wageangngu leta'a udde sarun maola'a pussa'a walahanni Kaleb, allang-Ku udde. Tiṛṛabbi yamiu ṛinone mabelengnga wuṛṛu inai su wadda'a watukku Tongokku Akaba.”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MARKUS 8:34

Wua'udde Mawu Yesus namagote taumata nambo isudde su sampunna ringannu mallal᷊aṛṛenggen-Ne. See i Tou nabbisara si mangitou, “Taumata apan mallaṛṛenggenna si Ya'u, ṛinone manantangngu manarane wua'udde mamasanna arussa-Ne wuṛṛu sidutu uatantalongnga si Ya'u.

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

LUKAS 6:46

“Anio i yamiu mammago si Ya'u, ‘Mawu, Mawu,’ arawe tawe tumuṛṛutta apa iwabbisara-U si yamiu?

LUKAS 9:23

Wua'udde Mawu Yesus nabbisara taumata nambo isudde, “Taumata apan maapulu rumandinganna si Ya'u, ṛinone tawe mannaungnga manarane sassane, mamasanna arusane miallo-miallo wuṛṛu sidutu uatantalongnga si Ya'u.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 13:16

Mangke atonna wisara-U indi: Sangkatou allangnga tawe magewal᷊anna wuassu mawune, wuṛṛu sangkatou darol᷊oṛṛanna tawe magewal᷊anna wuassu mandarolokke.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

YOHANES 15:20

Paanaunge wisara apan suete niwal᷊o-U si yamiu, ‘Allangnga tawe magewal᷊anna wuassu mawune.’ Amungkangngu i mangitou suete mamate si Ya'u, i mangitou sarun mamate si yamiu lai. Amungkangngu i mangitou tuttuṛṛutta al᷊aṛṛa-U, i mangitou sarun tumuṛṛutta al᷊aṛṛangngu lai.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

2 KORINTUS 5:8

ana waugu udde naungngi yami masabbare. I yami mappianne mapallosa wuassu wadangngi yami indi, tadea'u wotongnge matana'a suadio'a ringannu Mawu.

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

FILIPI 1:23

I ya'u wabollenganna wuassu ruan ba'a. I ya'u maapulu atonna manantangngu runia indi see inai matana'a ringanni Kristus, ana waugu eteudde lembon apianne;

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

1 YOHANES 5:3

Ana waugu, mandangngu Ruata atapasanne tuttuṛṛuta manga parenta-Ne. Wuṛṛu manga parenta-Ne tawe maawakkata si ite,

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.