YOHANES 11:42 - WUKE SUSI WATTI'U AL᷊AL᷊USASSA

⁴² I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

YOHANES 11:42 Iomraidhean Croise

MATIUS 26:53

Su naungngu i Ya'u tawe maarorongnga tul᷊unganna wuassi Iamangku, wuṛṛu i Tou ringannu mal᷊ihakka mandolokku mapul᷊o dua pia lebbene wageangngu tantara mala'ekatta?

YOHANES 11:22

Arawe aroddi i ya'u masingkatta manungku orassa indi lai Ruata sarun mangagillu apa apan radorongannu Mawu si Tou.”

YOHANES 11:31

Manga taumatan Yahudi apan tantal᷊anna mallimbatta naungngi Maria su wal᷊e, naasilo si Maria nabbuatta wuṛṛu mal᷊iha-l᷊ihakka sinumabangnga; nariaddi i mangitou inai lai tinumantalongnga si tou, ana waugu i mangitou massunna manungku i tou inai su lal᷊abinganna lumuai.

YOHANES 11:43

Napawe suete nabbisara aroddi, Mawu Yesus inumui ringannu tingikka ma'ikkatta, “Lazarus, sabbangke!”

YOHANES 12:11

ana waugu ete i tou naanambo taumatan Yahudi nanantangngi mangitou, wuṛṛu nangimanna Mawu Yesus.

YOHANES 12:17

Manga taumata apan uasemodda su tempo Mawu Yesus namago si Lazarus niapasabangnga wuassu lal᷊abinganna wuṛṛu namangunna si tou wuassu papate, sidutu mattiala su olangnge udde.

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

YOHANES 17:25

Iamangnga apan matul᷊idda! Runia tawe maaillal᷊a Iamangnga, arawe i Ya'u maaillal᷊a Iamangnga; wuṛṛu manga taumata indi masingkatta manungku ete Iamangnga, apan nandolo-U.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 3:17

Ana waugu Ruata nandolokku Anang-Nge wal᷊ine maṛṛuungngu runia indi, arawe manal᷊amatta runia indi.

YOHANES 8:16

Arawe unnu wisara i Ya'u mamarikissa taumata, i Ya'u maṛṛawessa udde matul᷊ida, ana waugu i Ya'u tawe sassane; Iamangnga apan nandolo-U su sambau lai ringang-Ku.

YOHANES 8:29

Wuṛṛu i Tou apan nandolo-U indi su sambau ringang-Ku. I Tou tawe mamala-U sassane, ana waugu i Ya'u sidutu ma'ola'a inolaanna apan maal᷊uassa naung-Nge.”

YOHANES 8:42

See Mawu Yesus nabbisara si mangitou, “Unnu wisara Ruata udde Iamangngu, i yamiu sarun mandangngu si Ya'u, ana waugu i Ya'u nirumanta wuassu Ruata. I Ya'u tawe nirumanta ringannu apulu-U sassane, arawe ete i Tou apan nanadolo-U.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

1 YOHANES 4:14

I yami sassane suete naasilo Ana'u Ruata, wuṛṛu i yami namasingkata manungku i Tou nirolokku Iamangnga maola'a Ratun Punnu Sal᷊amattu runia indi.