YOHANES 11:33 - WUKE SUSI WATTI'U AL᷊AL᷊USASSA

³³ Napawe Mawu Yesus naasilo si Maria lulluai, wuṛṛu manga taumatan Yahudi nirumanta sangkaṛṛindo'i Maria udde lai lulluai, naung-Nge nasusa, wuṛṛu i Tou niasiloanna mangke natuno atonna.

YOHANES 11:33 Iomraidhean Croise

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

MARKUS 9:19

Ne Mawu Yesus nabbisara si mangitou, “Tawe hampa i yamiu indi! I yamiu atonna-tonna taumata apan tawe mangngimanna. Ma'oman sara tempo suapa i Ya'u sarun matana'a su sampunna ringanni i yamiu wuṛṛu manabare su al᷊al᷊eong kamiu? Apira'e ana'a udde isindi!”

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

YOHANES 11:31

Manga taumatan Yahudi apan tantal᷊anna mallimbatta naungngi Maria su wal᷊e, naasilo si Maria nabbuatta wuṛṛu mal᷊iha-l᷊ihakka sinumabangnga; nariaddi i mangitou inai lai tinumantalongnga si tou, ana waugu i mangitou massunna manungku i tou inai su lal᷊abinganna lumuai.

YOHANES 11:34

Ne i Tou naiwal᷊ote si mangitou, “Suapa i yamiu nallabingngi tou?” “Wette pa'ellega, Mawu,” sasimbakki mangitou.

YOHANES 11:35

See Mawu Yesus nilumuai.

YOHANES 11:38

Mawu Yesus lembo natuno naung-Nge, see inaite su lal᷊abinganna. Lal᷊abinganna udde sambau loṛṛangnga apan nitaapannu watu wahewa.

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YOHANES 13:21

Napawe Mawu Yesus suete nabbisara aroddi, naungngi Tou mangke natuno. See i Tou nabbisara, “Mangke atonna wisara-U indi; sangkatou wuassu wallatti yamiu sarun mamate si Ya'u.”

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!