YOHANES 11:32 - WUKE SUSI WATTI'U AL᷊AL᷊USASSA

³² Napawe i Maria na'omate su tampa Mawu Yesus wuṛṛu naasilo si Tou, i Maria inumal᷊intuda su saruannu Mawu Yesus wuṛṛu nabbisara, “Mawu, amungkangngu Mawu isindi su orassa udde, asinungka tuṛṛangku tawe nate.”

YOHANES 11:32 Iomraidhean Croise

LUKAS 17:16

See su saruannu Mawu Yesus i tou nassubba wuṛṛu naadiangkamanna si Tou. Taumata udde taumatan Samaria.

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

LUKAS 8:41

See nirumanta sangkatou tembonannu wal᷊em pattataṛṛamawuanna isudde. Aranne i Yairus. I tou nassubba su saruannu Mawu Yesus wuṛṛu sinumal᷊ande tadea'u Mawu Yesus rumanta su wal᷊ene,

YOHANES 11:2

I Maria eteudde wawine apan nallal᷊innu lana mawangngi su ledda Mawu Yesus, wuṛṛu see niapun uta'i tou. Su sambau allo i Lazarus nirumada'a.

YOHANES 11:21

Wisara Marta su Mawu Yesus, “Mawu, wuṛṛu Mawu isindi su orassa udde, asinungka tuṛṛangku tawe nate.

YOHANES 11:37

Arawe pia su wallatti mangitou apan nabbisara, “I Tou na'ola'a taumata wuta naasilo, anio i Tou tawe naawa'ungnga tadea'u i Lazarus tawe mate?”

YOHANES 4:49

“Mawu,” sasimbakku mammamanaran tembonanne udde, “paal᷊ihakke rumanta tantal᷊anna ana'u taambe nate.”

SONDAPPA 22:8

I ya'u Yohanes, suete naaringikka wuṛṛu naasilo sarangkanambone indi. Napawe i ya'u suete naaringikka wuṛṛu naasilo udde, i ya'u inumaruutta su saruannu mala'ekatta apan suete namantingiddu sarangkanambone udde si ya'u, wuṛṛu i ya'u ṛinone massubba si tou,

SONDAPPA 5:14

Ne sire appata riadianna udde sinumimbakka, “Amin!” Wuṛṛu manga piaṛṛa'a udde inumaruuta wuṛṛu nassubba.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.