YOHANES 11:19 - WUKE SUSI WATTI'U AL᷊AL᷊USASSA

¹⁹ Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

YOHANES 11:19 Iomraidhean Croise

PANDARIADDI 37:35

Anambon anangnge, mawae esakka aroddi lai wawine nirumanta mallimbatta, arawe i tou tawe al᷊imbatanna. Wisarane, “Maddatingngu papate'u i ya'u sidutu lulluain ana'u.” Aroddite i tou sidutu lullal᷊o ana waugu anangnge.

2 SAMUEL 10:2

Ana see i Ratu Daud nabbisarate, “Nahas udde hawe'u apan matuṛṛuta. Nariaddi ya'u ṛinone lai sarun maggawen Hanun anangnge.” Ana waugu udde i Daud nandolokku daroloṛṛanna inai watukku wanua Amon iapal᷊uassa si Hanun ana waugu apapaten iamangnge.

1 TAWARIKH 10:12

manga taumata apan awaṛṛanianne suwallatti mangitou inaite nangal᷊appa winal᷊unanni Saul wuṛṛu manga parinsine, ana see niapidda watukku Yabes. I mangitou nallabbingi Saul su al᷊ungngu sambau alu masallakka, wua'udde i mangitou nappuasa pitu allo al᷊annune.

AYUB 2:11

Asasilaka apan naṛṛia'a si Ayub niaringiṛṛanten hawene siri tallu, eteudde i Elifas wuassu soa Téman, i Bildad taumatan Suah wuṛṛu i Zofar taumatan Naamah. I mangitou na'ire inai mattembo wuṛṛu mappaal᷊uassu naungnge.

AYUB 42:11

Annambon iaangnge wuṛṛu tuṛṛangngi Ayub wawine, wuṛṛu anambon hawene dorone, nirumanta nattembo si tou ana see suadio'a naandeangnga ringanni tou su wal᷊ene. I mangitou massusa suadio'a su ola'u anambon asasusa apan buatte niaparantan Mawu si tou, wuṛṛu nangonggollu al᷊al᷊uassa si tou. Sangkatou-sangkatou i mangitou nangonggollu roitta wuṛṛu sambau sinsingnga wul᷊awanna si Ayub.

MANNANASE 7:2

Mapianne inai su wal᷊en taumata nate wuassu inai su tampan andeangnga. Ana waugu i ite ṛinone sidutu mannaungnga manungku papate uaṛṛaddo suapan taumata.

YESAYA 51:19

I'o niaṛṛiaannu asasilaka darua hatine; pangillul᷊eannu pangalo wanuanu naromanna wuṛṛu tumanangngu nate niamal᷊unusanna. Taweddu umakkanna wuṛṛu malluassa si'o.

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

LUKAS 10:39

I Marta pia tuṛṛangnge wawine aranne i Maria. I Maria indi inuma'ianna marani Mawu Yesus madaringikka manga al᷊aṛṛang-Nge.

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

YOHANES 1:19

Manga piaṛṛa'u Yahudi su Yerusalem nandolokku manga imam wuṛṛu manga taumatan Lewi inai ringanni Yohanes wuṛṛu naiwal᷊o si tou, “I'o indi isai?”

YOHANES 11:1

Sangkatou aranne i Lazarus uatana'a su Betania su sampunna ringannu tuṛṛangnge i Maria wuṛṛu i Marta.

YOHANES 11:31

Manga taumatan Yahudi apan tantal᷊anna mallimbatta naungngi Maria su wal᷊e, naasilo si Maria nabbuatta wuṛṛu mal᷊iha-l᷊ihakka sinumabangnga; nariaddi i mangitou inai lai tinumantalongnga si tou, ana waugu i mangitou massunna manungku i tou inai su lal᷊abinganna lumuai.

YOHANES 11:33

Napawe Mawu Yesus naasilo si Maria lulluai, wuṛṛu manga taumatan Yahudi nirumanta sangkaṛṛindo'i Maria udde lai lulluai, naung-Nge nasusa, wuṛṛu i Tou niasiloanna mangke natuno atonna.

YOHANES 11:36

Ne manga taumatan Yahudi udde nabbisara, “Pa'ellega tawe hampa darangngu-Ne si Lazarus!”

YOHANES 11:45

Manambo manga taumatan Yahudi nirumanta mattembo si Maria, nangimanna Mawu Yesus su tempo i mangitou naasilo arariaddianna udde.

YOHANES 11:8

I mangitou sinumimbakka, “Iamangnga Huru, wakkute tanginna manga taumatan Yahudi ma'apulu manuntungngu watu su Iamangnga see orassa indi Iamangnga maapulu mabelengnga apia poiaroddi?”

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

2 KORINTUS 1:4

I Tou mannohassa naungngi yami sulal᷊ummu asasusa apan aapendamanni ami, tadea'u ringannu atatohassa apan nisengkammi yami wuassu Ruata udde, i yami lai wotongnge manohassa naungngu taumata nambo sulal᷊ummu asasusa.

1 TESALONIKA 4:18

Ana waugu udde, ṛinone i yamiu uatatohassa naungnga ringannu mappaamattu manga wisara indi.

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

1 SAMUEL 31:13

Anambon manga duṛṛine niammulla ana see nilabbinga su al᷊ungngu alu tamariska su soa udde, wua'udde i mangitou nappuasate pitu allo al᷊annune.