YOHANES 11:1 - WUKE SUSI WATTI'U AL᷊AL᷊USASSA

¹ Sangkatou aranne i Lazarus uatana'a su Betania su sampunna ringannu tuṛṛangnge i Maria wuṛṛu i Marta.

YOHANES 11:1 Iomraidhean Croise

PANDARIADDI 48:1

Manga pira tempo wua'udde niapasingkatta si Yusuf manungku iamangnge maradda'e mawakkata. Nariaddi i tou inaite ringannu anangnge ruan katou, eteudde i Manasye wuṛṛu i Efraim nattembo si Yakub.

MATIUS 21:17

Wua'udde Mawu Yesus nanantangngi mangitou, see sinumabangnga wuassu soa udde watukku Betania wuṛṛu nanaṛṛabbi poiaroddi.

MARKUS 11:1

Su tempo maddanin Yerusalem, i mangitou na'omate su Betfage wuṛṛu Betania, su welem Buiddu Zaitun. Isudde ruang katou mallal᷊aṛṛenggen-Ne nirolokku Mawu Yesus niapaṛṛoro.

YOHANES 11:11

Ete aroddi unnu Mawu Yesus. Wua'udde i Tou nabbisara apia, “Haweng kite i Lazarus mattiille, arawe I Ya'u sarun inai mamu'o si tou.”

YOHANES 11:18

Betania maranin Yerusalem, itatakasere tallu kilo meteṛṛe araune.

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

YOHANES 11:3

Ruang katou tuṛṛangnge namasingkatta Mawu Yesus, “Mawu, tuṛṛangngi yami apan arangnguannu Mawu udde marada'a.”

YOHANES 12:17

Manga taumata apan uasemodda su tempo Mawu Yesus namago si Lazarus niapasabangnga wuassu lal᷊abinganna wuṛṛu namangunna si tou wuassu papate, sidutu mattiala su olangnge udde.

YOHANES 12:9

Manambo taumatan Yahudi naaringikka manungku Mawu Yesus poi su Betania, nariaddi i mangitou inaite lai poiaroddi. I mangitou inai tawe tumba'u ana waugu Mawu Yesus. Arawe ana waugu i mangitou lai maapulu ma'ellega si Lazarus apan suete niapaawiakki Tou wuassu papate.

WATTI'U MANGA RASUL 9:37

Su tempo udde i tou naradda'a see nate. Napawe winal᷊unanne nireno, i tou niaddo su wabbo'a ṛengkenne rosone.