YOHANES 10:9 - WUKE SUSI WATTI'U AL᷊AL᷊USASSA

⁹ Ete i Ya'u ngara. Isai apan sumutta sumabbi si Ya'u, sarun masal᷊amatta; i tou sumabangnga wuṛṛu sumutta sarun maasomba wiakka.

YOHANES 10:9 Iomraidhean Croise

DARALO 95:7

Ana waugu ete i Tou Ruatan kite, i ite al᷊aṛṛana'a apan papadul᷊ianan-Ne, naal᷊ihidda domba lal᷊u'aran-Ne. Su allo indi paddaringikke ṛenggetan-Ne:

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YEHEZKIEL 36:38

Manga soa apan orassa indi naṛṛimunsa'e, sal᷊immurine sarun mapenen tumanangnge ere Yerusalem su manga allo wahewa sutempo nal᷊iu, napene manga domba apan niola'a sasamba. Ne i yamiu masingkatte manungku ete i Ya'u Mawu.”

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

YOHANES 10:1

“Mangke atonna wisara-U indi: Taumata apan sumutta sulal᷊ummu tanda'u domba lumiu pagalla, wuṛṛu tawe sumutta su ngara, arawe umawitta sumabbi lal᷊anna waine, taumata udde taṛṛa ta'o wuṛṛu taṛṛa rampassa.

YOHANES 10:3

Mandariaga tanda'a mammu'a ngara suttanni tou, wuṛṛu manga domba uatantalongnga tingikke su tempo i tou mammago si mangitou ringannu aranne sambau-sambau wuṛṛu mangngehetta si mangitou su liudde.

YOHANES 10:7

Ne Mawu Yesus nabbisara paassa lai, “Mangke atonna wisara-U indi: Ete i Ya'u ngara suttannu domba.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

EFESUS 2:18

Sulal᷊ummi Kristus, i ite sarangkanambone – mawae taumatan Yahudi ara'e taumata wal᷊ine Yahudi – wuassu Ghaṛṛahon Duata man sambau, wotongnge mangundanin Iamangnga.