YOHANES 10:6 - WUKE SUSI WATTI'U AL᷊AL᷊USASSA

⁶ Mawu Yesus nabbati'u sasumandingnga udde, arawe i mangitou tawedu naasunna apa panduman-Ne.

YOHANES 10:6 Iomraidhean Croise

DARALO 106:7

Sutempo su Mesir al᷊amonan kami tawe maasunna; manara-Nu apan maatiangnga tawe asunnanni mangitou. I mangitou naabul᷊in darangngu-Nu apan nilumambalanna, wuṛṛu su maranin Tahal᷊oangngu Gelagah i mangitou nilumawanga Apan Atanggaṛṛanne.

DARALO 82:5

I yamiu wagate apa-apa, woddo wuṛṛu nial᷊iwune, ana waugu i yamiu, lal᷊oṛṛon banua tate atoranne.

AMSAL 28:5

Atatul᷊idda tawe asunnannu taumata lal᷊eo, arawe taumata apan massubba Mawu, atonna-tonna maasunna.

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

MATIUS 13:34

Sarangkanambone niaṛṛa'u Mawu Yesus su taumata nambo sidutu mappaattu sasumandingnga.

MATIUS 13:51

“Apa i yamiu naasunna sarangkanambone udde?” aiwal᷊o Mawu Yesus. “Ma'asunna Iamangnga!” sasimbakki mangitou.

MARKUS 4:34

Mawu Yesus sidutu mappaattu sasumandingnga amungkangngu i Tou mangaṛṛa'a manga taumata udde. Arawe amungkangngu i Tou sassane ringannu mallal᷊aṛṛenggen-Ne, i Tou mannal᷊a'an sarangkanambone si mangitou.

YOHANES 16:25

“Sarangkanambone indi Ta'u iwal᷊o si yamiu ringannu sasumandingnga. Arawe sarun a'omanna tempone, i Ya'u tate mappaattu sasumandingnga lai, arawe mabbisara uahahati si yamiu su ola'u Iamangnga.

YOHANES 16:29

See manga mallal᷊aṛṛenggennu Mawu Yesus nabbisara si Tou, “Orassa indi Mawu mabbisara uahahati wuṛṛu tawe mappaattu sasumandingnga,

YOHANES 6:52

Naaringikka udde, manga taumatan Yahudi uatatiakke sangkatou ringannu waine. “Ereapa taumata indi wotongnge mangonggolu ṛemessi Tou si ite iapaanna?” unni mangitou.

YOHANES 6:60

Napawe suete naddaringikka manga wisara Mawu Yesus udde, manambo su wallattu mallal᷊aṛṛenggen-Ne nabbisara, “Tatantiro indi tumanite masahadda. Isai wotongnge maasunna!”

YOHANES 7:36

Apa pandumanne ringannu mabbisara manungku i ite sarun maddea'a si Tou, arawe tawe maasomba si Tou, wuṛṛu manungku i ite tawe maaranta su tampa i Tou uatana'a?”

YOHANES 8:27

I mangitou tawe maasunna manungku i Tou tantal᷊anna mabbisara si mangitou su ola'u Iamangnga.

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

2 PETRUS 2:22

Apa apan a'olaanni mangitou napal᷊iatta'u sasanato'a indi, “Asu sarun umanna apia anna apan buatte nimutane,” wuṛṛu “Wawi apan buatte nireno, sarun mabelengnga apia tumal᷊inggi su tona.”

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.