YOHANES 10:4 - WUKE SUSI WATTI'U AL᷊AL᷊USASSA

⁴ Napawe manga domba udde niapidde su liudde, mallal᷊u'adda udde u'amatta rorone, wuṛṛu manga domba udde uatantalongnga si tou, ana waugu i mangitou ma'aillal᷊a tingikke.

YOHANES 10:4 Iomraidhean Croise

ANTARI MAWANTUGA 2:8

Paddaringikka! Tatuno naungku nirumanta! I Tou naal᷊ihidda ana'u rusa ara'e kijangnga. Sussassolo'a su manga wowone, sussassolo'a su manga wuidda. Pa'ellega, su samba'an darandungnga i tou uarisikka, ringannu matane i tou maddea'a; mallinge wuassu taralin jandela.

ANTARI MAWANTUGA 5:2

I ya'u mattiilla, arawe naungku uatehamma. Paddaringikke, arangnguangku mannengkella ngara. Wu'ate ngara, tuari, arangnguangku, merpati'u, tatuno naungku; pua'u naṛṛolo ana waugu wal᷊angngukka, uta'u napenen ṛente'u wal᷊angngukku ṛabbi.

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 10:3

Mandariaga tanda'a mammu'a ngara suttanni tou, wuṛṛu manga domba uatantalongnga tingikke su tempo i tou mammago si mangitou ringannu aranne sambau-sambau wuṛṛu mangngehetta si mangitou su liudde.

YOHANES 10:5

I mangitou maddiri tumantalongnga taumata waine, ewe'e tumal᷊angngu taumata udde, ana waugu i mangitou tawe maaillal᷊a tingikke.”

YOHANES 10:8

Sarangkanambone apan nirumanta nalliu ṛoro wuassia-U, udde taṛṛa ta'o wuṛṛu taṛṛa rampassa, arawe manga domba udde tawe maddaringikka tingikki mangitou.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 13:15

I Ya'u mangngonggolu tul᷊ada indi si yamiu, tadea'u i yamiu lai ma'ola'a apa apan suete Ta'u inola'a si yamiu.

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

1 KORINTUS 11:1

Pattannote pallal᷊agu'u, ere i ya'u lai mattanno pallal᷊agun Kristus.

EFESUS 5:1

Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

TAHIUL᷊E 1:30

Mawu Ruatanu sarun mamiaṛṛa'i yamiu wuṛṛu mangehetta si yamiu ere lai buatte niapendamanni yamiu sassane su Mesir,

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

1 PETRUS 2:21

Ana waugu eteudde Ruata namaggo si yamiu. ana waugu Kristus sassane suete natataṛṛangnga asasusa ana waugu i yamiu, wuṛṛu ana waugu udde i Tou nangonggolu tul᷊ada si yamiu, tadea'u i yamiu manantuṛṛutta wal᷊ada-Ne.

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.