YOHANES 10:33 - WUKE SUSI WATTI'U AL᷊AL᷊USASSA

³³ Manga taumatan Yahudi udde sinumimbakka, “Wal᷊inewe ana waugu manga manaranu apan mapia udde i yami manuntungngu watu Si'o, arawe ana waugu I'o mangngadio'a Ruata. I'o sangkatou taumata, ma'apulu ma'ola'a riri-Nu ere Ruata.”

YOHANES 10:33 Iomraidhean Croise

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

DARALO 82:6

I yamiu mabbisara manungku i yamiu mawu i yamiu sarangkanambone al᷊aṛṛana'u Ruata Apan Atanggaṛṛanne.

IMAMATTA 24:14

“Apira'e taumata udde watukku liuddu paddasananna. Suapan taumata apan buatte naaringikka si tou mammontoga, ṛinone mangandangngu limane su wowon puan taumata udde ipattiala manungku taumata udde nassal᷊a. Ana see anambon walahanna manuntungngu watu si tou ma'oman sara mate.

IMAMATTA 24:16

wuṛṛu iṛṛuumanna pateanna. Isai-sai apan mammontoga Mawu jamaatta ṛinone manuntungngu watu ma'oman sara mate. Ṛuumanna udde iapa'amatta su taumatan Israel wuṛṛu taumata raho apan namanuate su Israel.

YOHANES 10:24

su tempo udde manga taumatan Yahudi nirumanta ma'ammulla mamal᷊iwutta Mawu Yesus. I mangitou nabbisara, “Sara tingngera I'o mamalang kami uapapadua? Wal᷊oa'e paasemakka, amungkangngu I'o atonna-tonna Ratum Punnu Sal᷊amatta.”

YOHANES 10:30

I Ya'u wuṛṛu Iamangnga tumba'u sambau.”

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

YOHANES 19:7

Manga taumatan Yahudi udde sinumimbakka, “Tumuṛṛuttu titan kami, i Tou ṛinone pateanna ana waugu i Tou mangnga'u watangan-Ne Ana'u Ruata.”

YOHANES 5:18

Manga wisara udde naaola'a manga tembonannu Yahudi mangke maddea'a mamate si Tou. I mangitou na'ola'a aroddi, wal᷊ine tumba'u ana waugu i Tou nilumawanna Titan agama su ola'u allon Sabatta, arawe ana waugu i Tou lai nabbisara manungku Ruata udde Iamang-Nge; atappasanne i Tou mannul᷊ungngu watangan-Ne ringannu Ruata.

ROMA 13:1

Suapan taumata ṛinone matuṛṛutta su tembonanne, ana waugu tawe tembonanne apan tawe naasomba taṛṛino wuassu Ruata. Wuṛṛu tembonanne apan uaparenta orassa indi, mappaamattu manarane wuassu darolokku Ruata.

FILIPI 2:6

Su pinangiananne i Tou nassul᷊ungngu Ruata, arawe i Tou tawe mamendamma manungku olang-Nge ere Mawu udde ṛinone matatana'a aroddi si Tou.