YOHANES 10:28 - WUKE SUSI WATTI'U AL᷊AL᷊USASSA

²⁸ I Ya'u mangngonggolu wiakka tutune wuṛṛu saran mal᷊annu-l᷊annu si mangitou, wuṛṛu sarangkal᷊o'engnge i mangitou tawe mate. Tawe saran sangkatou apan botongnge mangaṛṛo si mangitou wuassu lima-U.

YOHANES 10:28 Iomraidhean Croise

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

DARALO 31:5

Pallosaawe i ya'u wuassu sedda apan nitaingnga si ya'u, ana waugu ete I'o tampa i ya'u uasirungnga.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

AMSAL 24:16

Ana waugu, salaiwe taumata matul᷊idda masokka manawo, i tou sidutu sarun rumarisikka apia. Arawe mawal᷊i'a, taumata lal᷊eo sarun maṛṛimunsa'u asasilaka.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

LUKAS 23:46

See Mawu Yesus inumui ma'ikka-ikkatta, “O Iamang-Ku! Sulal᷊ummu limanu i Ya'u manantillu watangang-Ku!” Napawe suete nabbisara aroddi, i Tou natete.

YOHANES 10:29

Iamang-Ku, apan suete nanantilli mangitou si Ya'u, nanampal᷊iu wuassu sarangkanambone. Wuṛṛu tawe saran sangkatou wotongnge mangaṛṛo si mangitou wuassu liman Iamangnga.

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

YOHANES 18:9

Ringannu nabbisara aroddi, natipusse apa apan suete niwisara Mawu Yesus paarorone: “Iamangnga, wuassu manga taumata apan nionggolu Iamangnga si Ya'u, tawe saran sangkatou apan mawul᷊i.”)

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

YOHANES 6:47

Paanaunge: Taumata apan mangngimanna, maatahuanna wiakka tutune wuṛṛu saran mal᷊annu-l᷊annu.

YOHANES 6:68

“Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

WATTI'U MANGA RASUL 7:59

Tantal᷊anna i mangitou mannuntungnga si Stefanus, Stefanus sussal᷊ande, “Mawu Yesus, sengkammawe niawa'u!”

ROMA 5:17

Ana waugu pasasal᷊an sangkatou, papate nangeṛṛon taumata nambo wuassu taumata sangkatou udde. Lembon ahewal᷊anne lai wawal᷊issu apa apan niola'u sangkatou taumata waine lai, eteudde Yesus Kristus. Sulal᷊ummu Mawu Yesus Kristus, Ruata buatte nangal᷊amatta anambon taumata, wuṛṛu ringannu tawe bawal᷊inne madea'a i mangitou masasangkapia apia ringannu Ruata; i mangitou sarun mamarenta su runia indi sulal᷊ummi Kristus.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

ROMA 5:9

Orassa indi i ite naaukke apia ringannu Ruata sulal᷊ummu papaten Kristus; ana waugu udde sulal᷊ummete i ite masal᷊amatta lai wuassu asasa'un Ruata ana waugu Kristus.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 YOHANES 1:2

Su tempo wiakka udde niapaal᷊iatta'a, i yami naasilo. Ana waugu udde i yami nattiala su olange udde. I yami mammasingkata si yamiu su ola'u wiakka tutune wuṛṛu saran mal᷊annu-l᷊annu, apan su sambau ringannu Ruata Iamangnga, wuṛṛu apan suete niapaal᷊iatta'a si yami.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 2:25

Wuṛṛu ete indi apan pina'iren Kristus sassane si ite: wiakka tutune wuṛṛu saran mal᷊annu-l᷊annu.

1 YOHANES 5:11

Ete indi tatialane udde: Ruata suete nangonggolu wiakka tutune wuṛṛu mal᷊annu-l᷊annu si ite, wuṛṛu Anang-Nge uddewe punnu wiakka udde.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.