YOHANES 10:25 - WUKE SUSI WATTI'U AL᷊AL᷊USASSA

²⁵ Mawu Yesus sinumimbakka, “Suete Ta'u niwal᷊o si yamiu, arawe i yamiu maddiri mangngimanna. Manga manara Ta'u ola'anna su arannu Iamang-Ku, mangngonggolu tatiala su ola'u riri-U

YOHANES 10:25 Iomraidhean Croise

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

YOHANES 10:37

Amungkangngu i Ya'u tawe ma'ola'a manara apan tinantillu Iamangnga, i yamiu arie pangimanna si Ya'u.

YOHANES 10:38

Arawe ana waugu i Ya'u, tinumuṛṛutta manara udde, pangimante apa apan Ta'u ola'anna udde, salaiwe i yamiu maddiri mangngimanna si Ya'u. Ringannu aroddi yamiu maasingkatta wuṛṛu naasunna manungku Iamangnga sidutu su sambau ringang-Ku, wuṛṛu i Ya'u sidutu su sambau ringannu Iamangnga.”

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

YOHANES 12:37

Salaiwe manambote al᷊aṛṛindu'a apan niola'u Mawu Yesus su saruanni mangitou, i mangitou tawe lai mangngimanna si Tou.

YOHANES 14:11

Pangimante si Ya'u, manungku i Ya'u su sambau ringannu Iamangnga wuṛṛu Iamangnga su sambau ringang-Ku. Ara'e amungkangngu tawe, pangimante, ana waugu al᷊awo'u inolaang-Ku apan suete niola-U.

YOHANES 20:30

Ta'e manambo lai manga al᷊aṛṛindu'a waine apan suete niola'u Mawu Yesus su saruannu manga mallal᷊aṛṛenggen-Ne, arawe tate nawoṛṛeta sulal᷊ummu wuke indi.

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 7:31

Manambo su wallattu manga taumata udde mannattakke mangngimanna si Tou, wuṛṛu mabbisara, “Amungkangngu Ratum Punnu Sal᷊amatta udde rumanta, apa i Tou wotongnge maaola'a mannamboanna al᷊aṛṛindu'a wuassu taumata indi?”

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YOHANES 8:56

Iamangngu Abraham lembon lulluassa, manungku i tou sarun maasilo allo-U. I tou naasilote wuṛṛu i tou mangke lulluassa!”

YOHANES 8:58

Mawu Yesus sinumimbakka, “Atonna i Ya'u mabbisara si yamiu: Tantal᷊anna i Abraham taambe niasungkangnga, i Ya'u nariaddite.”

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.