YOHANES 10:16 - WUKE SUSI WATTI'U AL᷊AL᷊USASSA

¹⁶ Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 10:16 Iomraidhean Croise

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

MANNANASE 12:11

Wisaran taumata pande udde naal᷊ihidda ta'innu sangkatou mallal᷊u'adda apan maṛṛoro, ta'inna apan nipaanne ipanahekku manga dombane. Ammul᷊annu sasanato'a wuṛṛu tatantiro, naal᷊ihidda pa'u apan uapansakka matohassa. Sarangkanambone udde aonggollu Ruata lai, mallal᷊u'addi ite apan sambau.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

YEHEZKIEL 37:22

I mangitou sarun Ta'u olaanna sambau walahanna su leta'a udde, su panenteannu Israel. I mangitou sarun parentannu sangkatou ratu, wuṛṛu tate matahia maola'a darua walahanna ara'e araratuanna.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

LUKAS 15:8

“Ara'e unnu wisara sangkatou wawine uatahuanna mapul᷊o roitta sal᷊a'a, see sambau nawul᷊i – apa sarun olaanni tou? I tou sarun mande'omma sol᷊o wuṛṛu manapu wal᷊ene lapiddu maddea'a su al᷊awo'u tampa ma'oman sara asombanganna roitta udde.

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

YOHANES 10:2

Arawe taumata apan sinumutta wuassu ngara, ete i tou mallal᷊u'adda domba.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 10:3

Mandariaga tanda'a mammu'a ngara suttanni tou, wuṛṛu manga domba uatantalongnga tingikke su tempo i tou mammago si mangitou ringannu aranne sambau-sambau wuṛṛu mangngehetta si mangitou su liudde.

YOHANES 10:4

Napawe manga domba udde niapidde su liudde, mallal᷊u'adda udde u'amatta rorone, wuṛṛu manga domba udde uatantalongnga si tou, ana waugu i mangitou ma'aillal᷊a tingikke.

YOHANES 10:5

I mangitou maddiri tumantalongnga taumata waine, ewe'e tumal᷊angngu taumata udde, ana waugu i mangitou tawe maaillal᷊a tingikke.”

YOHANES 11:52

Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 17:20

Wal᷊ine tumba'u i mangitou sassane I Ya'u u'al᷊iomanna. I Ya'u lai u'al᷊iomannu manga taumata apan mangngimanna si Ya'u sulal᷊ummu tatialan mangitou indi.

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

WATTI'U MANGA RASUL 15:14

I Simon wakkute lai nanal᷊a'a ereapa Ruata paarorone napaal᷊iatta'u naung-Nge su manga taumata wal᷊ine Yahudi ringannu pandumma mamile wuassi mangitou manga taumata waine apan sarun olaanna pabbawala-Ge.

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

WATTI'U MANGA RASUL 22:14

Wua'udde i tou nabbisara si ya'u, ‘Ruata iupungngu al᷊amonang kite suete namile si'o, tadea'u i'o maasingkatta pandumme wuṛṛu maasilo Mawu Yesus, Allangngu Ruata apan nanipussa apulun Ruata see madaringikka tingikku Mawu Yesus sassane.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.