YOHANES 1:34 - WUKE SUSI WATTI'U AL᷊AL᷊USASSA

³⁴ I ya'u suete naasilo sassane,” unni Yohanes, “wuṛṛu ya'u mangonggolu tatiala manungku ete i Tou Ana'u Ruata.”

YOHANES 1:34 Iomraidhean Croise

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

MATIUS 27:40

I mangitou mabbisara, “I'o apan manggohakku Wal᷊e Mawu, wuṛṛu mapararisikka apia sulal᷊ummu tallu allo! Amungkangngu I'o Ana'u Ruata, lintukke wuassu alu arussa udde, wuṛṛu panal᷊amatte riri-Nu!”

MATIUS 27:43

I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

MATIUS 4:6

See Setanna nabbisara si Tou, “I'o Ana'u Ruata? Amungkangngu aroddi, tumpate; ana sulal᷊ummu Wuke Susi uawoṛṛetta arendi, ‘Ruata sarun mandolokku manga mala'ekanne mandiaga Si'o, i mangitou sarun manal᷊oho Si'o ringannu lima mangitou, tadea'u leddanu tawe mattu'a su watu.’ ”

MATIUS 8:29

I mangitou sinumabangnga wuassu manga liangngu lal᷊abinganna wuṛṛu mangngintul᷊i, “Ana'u Ruata sarun olaannu ereapa i yami? Apa I'o mappulute mannansara si yami salaiwe taambe tempone?”

MARKUS 1:1

Ete indi Watti'u Al᷊al᷊uassa su ola'u Mawu Yesus Kristus, Ana'u Ruata.

MARKUS 1:11

Wua'udde niaringikka tingikku Ruata nabbisara, “Ete I'o Ana-U apan arangnguang-Ku. I'o ma'al᷊uassa naung-Ku.”

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

LUKAS 3:22

wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 10:30

I Ya'u wuṛṛu Iamangnga tumba'u sambau.”

YOHANES 10:36

anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.

YOHANES 11:27

“Mawu,” sasimbakki Marta, “i ya'u mangngimanna Mawu Ana'u Ruata, Ratum Punnu Sal᷊amatta apan sarun rumanta su runia indi.”

YOHANES 19:7

Manga taumatan Yahudi udde sinumimbakka, “Tumuṛṛuttu titan kami, i Tou ṛinone pateanna ana waugu i Tou mangnga'u watangan-Ne Ana'u Ruata.”

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 6:69

I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”

ROMA 1:4

arawe su ola'u saṛṛen pangangimanna i Tou udde Ana'u Ruata. Udde nilumiatta'a sulal᷊ummu taṛṛino apan wahewalla sulal᷊ummu pabbawangun-Ne wuassu papate.

2 KORINTUS 1:19

Ana waugu Yesus Kristus, Ana'u Ruata, apan nipaasingkati Silas, Timotius; wuṛṛu i ya'u sassane lai, wal᷊inewe taumata “Ore” wuṛṛu “Tawe”. Arawe udde naaola'a sasimbakka “Ore” wuassu Ruata.

IBRANI 7:3

Su ola'i Melkisedek indi tawe tal᷊aane suapa-suapa manungku i tou pia hagurangnga ara'e iupungnga; tawe lai tal᷊aane su ola'u niasungkanganne ara'e papatene. I tou nassul᷊unga ere Ana'u Ruata; i tou udde imam saran mal᷊annu-l᷊annu.

1 YOHANES 2:23

Taumata apan tawe manga'u Ana'a, atappasanne tawe manengkamma Iamangnga lai. Wuṛṛu taumata apan mangnga'u Ana'a, atappasanne mannengkama lai Iamangnga.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

1 YOHANES 4:9

Ruata napaal᷊iatta'a manungku i Tou u'akkanni ite ringannu nandolokku Anang-Nge tinggasa sulal᷊ummu runia tadea'u i ite maasomba wiakka wuassu Anang-Nge udde.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.