YOEL 3:17 - WUKE SUSI WATTI'U AL᷊AL᷊USASSA

¹⁷ “Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

YOEL 3:17 Iomraidhean Croise

AYUB 15:19

Sutempo udde tawe taumata raho su wanuan mangitou; tawe mangal᷊iwun mangitou wua dingannu Ruata.

DARALO 76:2

Ruata tinumelengnga su Yehuda; aran-Ne niasingkatanna su Israel.

DARALO 9:11

Taumata apan maailal᷊a Si'o uaantimma Si'o, oh Mawu, taumata apan massubba Si'o sarun tawe itantang-Ngu.

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YEREMIA 31:23

Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 37:6

Ta'u iaddo lantikka wuṛṛu ṛemessa si'o wuṛṛu i yamiu Ta'u wa'isannu pisi. I yamiu Ta'u onggol᷊annu singangu ma'oman sara mabbiakka. Ne i yamiu masingkatte manungku ete i Ya'u Mawu.”

YEHEZKIEL 43:12

Eteindi ola'u atokku Wal᷊e Mawu: Ehewallu wageangngu leta'a maranine su puiddu wowone uddewe lembon na'ukkassa.”

YEHEZKIEL 44:9

I Ya'u, Mawu Apan Atanggaṛṛanne, mamasingkatta manungku manga taumata raho apan tawe nisunatta wuṛṛu taumata apan tawe tumuṛṛutta si Ya'u, tawe iwala sumutta su Wal᷊e-U. Udde iapaamatta lai su taumata raho apan uatana'a su pattangngannu walahannu Israel.”

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.