YOEL 3:13 - WUKE SUSI WATTI'U AL᷊AL᷊USASSA

¹³ I mangitou tumaniten dal᷊eo; ṛassi'e i mangitou naal᷊ihidda gandumma nal᷊ahate su wawail᷊anna. Mangke ṛindate i mangitou ere anggore sulal᷊ummu pamamakkan nu anggore apan napene na'oman sara tinumompe'a.

YOEL 3:13 Iomraidhean Croise

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

PANDARIADDI 18:20

Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

YESAYA 17:5

Israel sarun maola'a ere wawail᷊anna su Refaim apan buatte niitingnga gandumme, wuṛṛu tumba'u nallambe addio'a.

YESAYA 63:3

“Sassane i Ya'u sutampa pamamakkannu anggore suwallattu uma-U taweddu nantul᷊ung-Ku. Manga walahanna mangke Ta'u niṛṛinda sulal᷊ummu asasa'u-U, naal᷊ihidda ere makkinda wuan anggore. Daṛṛa mangitou namiti'a naṛṛolo lau-U, naal᷊uhudda ahewallu lau-U.

YEREMIA 51:33

Tate mal᷊annu lai i mangitou iawaddo wuṛṛu mangke ṛindannu seetta ere gandumma su tampa pallaṛṛindanna. I Ya'u, Mawu Apan Lembontaṛṛino, Ruatan Israel, buatte nabbisara.”

LAL᷊ALLU 1:15

Mawu ma'ellega mawawo anambon tumannaṛṛangku apan waṛṛani. I Tou nangeṛṛon tantara tadea'u taumata'u saṛṛen tumuwo nate. I Tou mangke maṛṛinda walahangku na'oman sara naṛṛimunsa'a, naal᷊ihidda taumata mammakkan wuan anggore.

HOSEA 6:11

Su ola'i yamiu, ei taumatan Yehuda, i Ya'u buatte nanantunnu tempone makkuumanni yamiu lai ana waugu inolaannu.”

MATIUS 13:39

Seetta apan nangasi'u akke, eteudde Setanna. Tempo mangitingnga eteudde Allong Kiamatta, wuṛṛu manga taumata apan mangitingnga, eteudde manga mala'ekattu Ruata.

MARKUS 4:29

Wuṛṛu amungkangngu gandumma udde nal᷊ahate, taumata udde manattakke mangitingnga, ana waugu tempotem pangangitingnga.”

TAHIUL᷊E 16:9

“Reenga'e pitun kamisa manattaka wuassu allo paarorone i yamiu mangitingnga gandumma,

SONDAPPA 14:14

Wua'udde i ya'u na'ellega, ne niasiloanna sambau winabbawa apan mawira. Su wowon winabbawa udde ua'ianna sangkatou apan aellehanna ere taumata. Su pua-Ne pia sambau araposan araratuanna wul᷊awanna, wuṛṛu su lima-Ne pia sambau hal᷊ele maṛṛoro.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.