YOEL 3:11 - WUKE SUSI WATTI'U AL᷊AL᷊USASSA

¹¹ Wette, rantate paasaṛṛawutta, ei manga walahanna wuassu al᷊awo'u pappi'uanne! Paammulle su wawal᷊anne poi.” Oh, Mawu, doloṛṛa'e tantara-Nu mamangalo si mangitou!

YOEL 3:11 Iomraidhean Croise

DARALO 103:20

Paddalote Mawu, ei manga mala'ekan-Ne apan matohassa, apan sidutu uararingikka wuṛṛu tuttuṛṛutta parenta-Ne.

YESAYA 10:34

Mawu sarun mapaaṛṛa'a mangitou naal᷊ihidda punnu alu su tangnga mahurangnge tuwangannu wal᷊iungnga. Salaiwe i mangitou matohassa naal᷊ihidda alu apan atohasanne su Libanon, i mangitou sarun maṛṛa'a lai!

YESAYA 13:3

Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.

MIKHA 4:12

Arawe manga walahanna udde wagga apa apan tantal᷊anna ihagol᷊agu Mawu. I mangitou tawe maatutukka manungku i mangitou buatte niammullu Mawu tadea'u iṛṛuumanna, naal᷊ihidda gandumma niammulla tadea'u wabbal᷊anna.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.