YOEL 2:26 - WUKE SUSI WATTI'U AL᷊AL᷊USASSA

²⁶ I yamiu sarun masuungnga anna wuṛṛu maapendamma mal᷊aidda. Mawu Ruatanu sarun bantuhanni yamiu, ana si yamiu niolang-Nge manambo al᷊aṛṛindu'a. Uma-U tate lai maola'a hatto aal᷊uandaga!

YOEL 2:26 Iomraidhean Croise

PANDARIADDI 33:11

I ya'u sumal᷊ande, sengkampe sasamba apan buatte niapi'u indi. Ruata buatte nangonggolu naungnga mapia si ya'u wuṛṛu nangonggolu al᷊awo'u sarangkanambone apan ta'u hagausanna.” I Yakub sidutu mammata'a na'oman sara i Esau nanengkamma aonggola udde.

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

DARALO 103:5

I Tou apan namene pabbiaṛṛannu ringannu apapia, na'oman sara i'o ellehanna ta'e dario'a ere rajawali.

DARALO 116:7

I'o napatammudu naungku, ana waugu Mawu mapia si ya'u.

DARALO 13:6

Ana waugu i ya'u mangngasakku darangngu-Nu, ne i ya'u sarun lumuassa ana waugu I'o nanal᷊amatta si ya'u. I ya'u maapulu mangantari maddalo Mawu, ana waugu i Tou buatte na'ola'a apapia si ya'u!

DARALO 22:26

Supattangannu ammul᷊annu taumata i ya'u maddalo Si'o, ana waugu sarangkanambone apan buatte niolang-Ngu. Su saruannu taumata apan mangngimanna i ya'u nangonggolu sasamba apan ta'u pina'ire.

DARALO 37:19

Sutempon asasusa i mangitou tawe mataṛṛangnga, sutempon ṛutumma i mangitou sidutu nasuungnga.

DARALO 67:5

Antimanna anambon walahanna lullala'a lulluassa, wuṛṛu mangngantari ringannu lulluassa. Ana waugu I'o mammarenta ringannu atatul᷊idda wuṛṛu mangngehetta suapan walahanna su runia.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

AMSAL 13:25

Taumata apan mapia sidutu su asasuungnga, arawe taumata lal᷊eo sidutu su awussa.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 54:4

Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

IMAMATTA 25:19

Leta'u wanua udde sarun mangonggolu hessine na'oman sara i yamiu maatahuanna anna apan manambo wuṛṛu uatana'a poiaroddi ringannu paddarame.

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

IMAMATTA 26:5

Hessin letangngu sarun lumambalanna, ma'oman sara napawe nia'omante tempone mani'o wuan kanggore, i yamiu ta'e mangngitingnga gandumma. Wuṛṛu napawe nia'omante tempone mangasi'u gandumma, i yamiu ta'e manni'o wuan anggore. I yamiu sarun pia anna apan hatimu wuṛṛu abbiakka su lal᷊umanna'a su wanuanu.

MIKHA 6:14

I yamiu sarun umanna, arawe tawe mabbal᷊i mal᷊aidda – ewe'e sidutu mal᷊unussa. I yamiu sarun maṛṛuwo manga saranapa, arawe tawe maariaga. Al᷊awo'u apa apan rariaganni amia sarun Ta'u ṛimunsaanna sulal᷊ummu pangalo.

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

ROMA 10:11

Sulal᷊ummu Wuke Susi uawoṛṛetta, “Taumata apan mangngimanna tawe iapaasusa.”

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

TAHIUL᷊E 11:15

see lai nannal᷊o annu winatangngu. Al᷊awo'u anna apan pappandumanni yamiu sarun nasadiate si yamiu.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 12:18

I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

TAHIUL᷊E 8:10

I yamiu sarun umanna walate apulun naungngu, wuṛṛu ma'adiangkamanna su Mawu Ruatanu ana waugu leta'a masuwukka apan nionggolu Mawu si yamiu.”

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.