YOEL 2:23 - WUKE SUSI WATTI'U AL᷊AL᷊USASSA

²³ Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

YOEL 2:23 Iomraidhean Croise

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

AYUB 33:23

Asinungka sambau suwallattu saṛṛiwu mala'ekattu Ruata apan mapanaungngu taumata su ola'u manarane, sarun dumanta mantul᷊ungngi tou.

AYUB 37:13

Ruata nangonggollu uranna ipaṛṛolo leta'a, ara'e lai ipakkuumannu walahannu taumata; asinungka lai tadea'u iapasilo si mangitou, aroddi ahewalle darangngu-Ne apan uatialu saran mal᷊annu-l᷊annu.

DARALO 104:34

Antimanna aantari'u maal᷊uassa naung-Nge, ana waugu ete i Tou naaola'a naungku lullala'a.

DARALO 147:8

Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 84:6

Lal᷊umanna'a su taumata apan naasomba atatohassa wuassu Mawu, wuṛṛu pia naungnga inai watukku Wowon Sion.

AMSAL 16:15

Apapian naungngu ratu mandantan biakka su lal᷊umanna'a, naal᷊ihidda winabbawa nanossokku uranna su tempon paddissa.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YEREMIA 3:3

Ana waugu udde ua'e wuassu langitta nataṛṛanganna, wuṛṛu uranna sutempon batianna tawe mangansalla. I'o naal᷊ihidda sumasandagga, wuṛṛu tawe masili.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

LAL᷊ALLU 4:2

Dorone manga saṛṛen tumuwo su Soa Sion ere wul᷊awanna apan maarega, arawe orassa indi naola'e ere wensadda wuassu leta'a.

YEHEZKIEL 34:26

I Ya'u sarun mangal᷊amatta si mangitou wuṛṛu mamala mangitou matana'a su maranin wui-U apan na'ukkassa. I mangitou sarun Ta'u onggol᷊annu uranna napawe i mangitou mappandumma.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

AMOS 4:7

I Ya'u namo'a uranna mangansalla sutempo sinuanannu tumaniten mappandumma ua'e. I Ya'u nanossokku uranna su soa apan sambau wuṛṛu wal᷊ine su soa apan waine. Wawail᷊anna sambau na asomba aansallu urana, ewe'e wawail᷊anna waine mamara-mara.

ZAKARIA 10:1

Napawe tempon manontongnga rumantate, paddorongke uranna su Mawu. Ne Mawu sarun mangammullu winabbawa ma'itumma, wuṛṛu manosokku urana masassaga ma'oman sara manga wawail᷊anna mabbal᷊i mangelomma mapia su anambon taumata.

ZAKARIA 10:7

Umattu Israel naal᷊ihidda atumannaṛṛane apan matohassa, naal᷊ihidda taumata apan na'inumma anggore, i mangitou lulluassa. Papapulunni mangitou wuassu tempo maddatingngu tempo sarun tawe maabul᷊in auntunganna indi apan Ta'u nionggolla. I mangitou sarun lumala'a ana waugu inolaang-Ku si mangitou.

ZAKARIA 9:13

Yehuda sarun Ta'u ipaatta maola'a anaannu atumannaṛṛanne, wuṛṛu Israel maola'a anaanna apan nasaddiate ipiti'a. Tumana'u Sion Ta'u ipaatta maola'a halele; ringannu hal᷊ele udde manga taumatan Yunani sarun Ta'u pangaloanna.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

TAHIUL᷊E 28:12

Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

FILIPI 3:1

Panginsueanne, manga tuṛṛangku, ṛinone i yamiu lumuassa ana waugu i yamiu suete naaukka ringannu Mawu. I ya'u tawe maapendamma masahadda manul᷊e apia apa apan suete niwoṛṛeta si yamiu paarorone; ana waugu olangnge udde mapia su asasal᷊amannu.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!