YOEL 2:14 - WUKE SUSI WATTI'U AL᷊AL᷊USASSA

¹⁴ Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

YOEL 2:14 Iomraidhean Croise

2 SAMUEL 12:22

“Ore,” sasimbakki Daud, “atonna i ya'u tawe umanna wuṛṛu lulluai sutempo ana'a udde ta'e wiakka ana waugu i ya'u maṛṛingidda: Asinungka i ya'u sarun iakkannu Mawu wuṛṛu mapawiakku ana'a udde.

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

SASABANGNGA 32:30

Tiṛṛabbine i Musa nabbisara su walahanna udde, “I yamiu buatte na'ola'a rosa wahewalla. Arawe orassa indi ya'u sarun suma'a wowone udde apia sumaruanna Mawu; doronganna i ya'u maasomba aampungngu manga rosanu.”

YESAYA 65:8

Mawu nabbisara, “Wuang anggore apan ta'e pia ua'ene tawe iramme, arawe olaanna ua'en anggore. Aroddi lai pabbawala-U tawe Ta'u pateanna abbi, ana waugu suwallatti mangitou ta'e paiddu apan mattaṛṛamawu si Ya'u.

YEREMIA 18:8

ana see walahanna udde mawal᷊u wuassu rosane, ne i Ya'u sarun tawe mapaamattu apulu-U udde.

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

YEREMIA 26:3

Asinungka walahanna udde maddulu maddaringikka, ana see maddote ma'ola'a al᷊al᷊eo, ma'oman sara i Ya'u tate manakkuttu apulu-U eteudde manilaka si mangitou uasul᷊ungngu inolaanni mangitou apan dal᷊eo.”

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YOEL 1:16

Anna manga nasue-sue su saruannu matan kite su Wal᷊en Duatan kite tate lai hion al᷊uassa.

YOEL 1:9

Gandumma wuṛṛu anggore nawul᷊ite wuassu Wal᷊en Mawu. Ne nilumal᷊ote manga imam, apan satia mangngimbe Mawu.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

YOSUA 14:12

Ana waugu udde, onggol᷊a'e orassa indi leta'u panenteanna apan nipa'ire Mawu si ya'u, su tempo i ya'u wuṛṛu manga taumata uaṛundinganna si ya'u nabelengnga uaapiddu watti'a. Su tempo udde i'o sassane naaringikka, manungku poiaroddi pia balahannu wawalla apan isassago walahannu Enak. I mangitou uatana'a su lal᷊ummu manga soa wahewalla apan pia darandunge. Asinungka Mawu nantul᷊ungku na'oman sara i ya'u wotongnge nallimbuakka si mangitou, ere buatte niwal᷊o Mawu.”

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.