YOEL 1:15 - WUKE SUSI WATTI'U AL᷊AL᷊USASSA

¹⁵ Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YOEL 1:15 Iomraidhean Croise

DARALO 37:13

Arawe Mawu lullaggen taumata lal᷊eo, ana waugu i Tou masingkatte panginsueannu taumata udde maranite.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

YOEL 3:14

Suṛṛiwune taumata poi su Wawal᷊annu Pakkuunganna. Ana waugu poiaroddi allon Mawu mal᷊ihakke rumanta.

OBAJA 1:15

“Atonna, maranite allone, i Ya'u, Mawu, makkuungngu manga walahanna. Apa apan niola'i Edom sarun ipabbal᷊issa si tou. I tou sarun maapendamma lai apa apan buatte niolangnge.

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”