YESAYA 9:7 - WUKE SUSI WATTI'U AL᷊AL᷊USASSA

⁷ Mawu buatte nangema'u ṛuumanna su araratuannu Israel.

YESAYA 9:7 Iomraidhean Croise

2 SAMUEL 7:16

I'o sidutu uatahuanna papapulunna, wuṛṛu araratuannu sarun Ta'u olaanna mattaṛṛangnga saran mal᷊annu-l᷊annu. Sarangkal᷊o'engnge sangkatou wuassu papapulunnu sarun mamarenta maola'a sangkatou ratu.’ ”

2 MARARATU 19:31

Su Yerusalem wuṛṛu su puiddu Wowon Sion sarun pia taumata apan masal᷊amatta, ana waugu Mawu buatte nanantunna manungku olange udde sarun mariaddi.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 16:5

Wua'udde sangkatou suwallattu papapulunni Daud sarun maola'a ratu, wuṛṛu i tou sarun mamarenta pabbawalage ringannu darangngu wuṛṛu satia. I tou sarun mandisikku atatul᷊idda wuṛṛu mal᷊ihakka mammanara ma'ola'a apapia.)

YESAYA 2:4

I Tou sarun makkuungngu manga pabbawalaga, wuṛṛu makkawessu hatton manga ṛuangannu walahanna. Hal᷊ele sarun horapanna maola'a pajeko, wuṛṛu sambeangnga olaanna lari'a papol᷊o. Manga walahanna tate lai mamangalo, tate lai uasasaddia inai mappangalo.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 37:32

Su Yerusalem wuṛṛu su puiddu wowon Sion sarun pia manga taumata apan nasal᷊amatta, ana waugu Mawu Apan Lembontaṛṛino buatte nanantunna manungku olangnge udde sarun matipussa.

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

YOHANES 12:34

Manga taumata nambo udde nabbisara si Tou, “Tumuṛṛuttu Wuken Titang kami, Ratun Punnu Sal᷊amatta sarun mabbiakka sarangkal᷊o'engnge. Ereapa I'o wotongnge mabbisara manungku Ana'u Taumata ṛinone iruitta su wowon runia? Isai Ana'u Taumata udde?”

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

IBRANI 7:24

Arawe Mawu Yesus mabbiakka saran mal᷊annu-l᷊annu, nariaddi wuassu manarane ere sangkatou imam, tawe na'ingkata su taumata waine.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.