YESAYA 9:5 - WUKE SUSI WATTI'U AL᷊AL᷊USASSA

⁵ Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

YESAYA 9:5 Iomraidhean Croise

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

DARALO 46:9

Wette, pa'ellege apa apan nimanaran Mawu; aroddi maatiangnga manara-Ne su runia!

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

SASABANGNGA 23:21

Paddaringikka wuṛṛu paatuṛṛutta si tou. Imbaṛṛangnga lumawangnga si tou ana waugu i tou daroloṛṛang-Ku, wuṛṛu i tou tawe mangampungnga pasasal᷊anu.

YESAYA 13:4

Paddaringikke tingikku hio su panenteanna, naal᷊ihidda tingikku ammul᷊annu taumata apan tumanite manambo. Paddaringikke hio manga araratuanna wuṛṛu manga walahanna apan tantal᷊anna uaammulla. Mawu Apan Lembontaṛṛino mammarikissa tantaran pangalo.

YESAYA 2:4

I Tou sarun makkuungngu manga pabbawalaga, wuṛṛu makkawessu hatton manga ṛuangannu walahanna. Hal᷊ele sarun horapanna maola'a pajeko, wuṛṛu sambeangnga olaanna lari'a papol᷊o. Manga walahanna tate lai mamangalo, tate lai uasasaddia inai mappangalo.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 4:4

Ringannu taṛṛino-Ne Mawu sarun makkuungnga wuṛṛu mamaresi uman-Ne. I Tou sarun mamaresi Yerusalem wuassu daṛṛa manga taumata apan nipate su soa udde.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 47:3

I mangitou sarun maaringikka lempangngu awal᷊o, tingikku haṛṛagittu kereta, wuṛṛu taddungkallu bolane. Ingana'a timmadde mabbal᷊i lome wuṛṛu tate maaṛṛingiddu anangnge.

YOEL 2:5

I mangitou sussassolo'a su puiddu panenteanna, tingikke ere haṛṛagittu keretan pangalo wuṛṛu ere rente'u putungnga apan mannoṛṛobba raen amme. I mangitou uawarissa naal᷊ihidda ammul᷊annu tantara waṛṛani, apan nariahite inai mapapangalo.

IMAMATTA 3:11

Imam apan mammanara ṛinone manambunnu sarangkanambone udde su wowon mezbah maola'a sasamba ia'imbe su Mawu.

IMAMATTA 3:16

Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

NAHUM 3:2

Paddaringikke sasittan sambokka wuṛṛu hal᷊egekku bola, tingikku tatal᷊angngu awal᷊o wuṛṛu auntallu kereta.

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

WATTI'U MANGA RASUL 2:19

I Ya'u sarun ma'ola'a manga al᷊aṛṛindu'a roso su langitta, wuṛṛu inolaanna apan wahewalla su runia; sarun pia ṛaṛṛa wuṛṛu putungnga, sawudda wuṛṛu timbulla.

WATTI'U MANGA RASUL 2:3

See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

MAL᷊AṚṚUUNGNGA 13:18

Mala'ekattu Mawu udde naiwal᷊o, “Anio i'o mangke ma'apulu ma'asingkatta arangku? Arangku udde aranna apan ma'atiangnga.”

1 SAMUEL 14:19

Sutempo i Saul tantal᷊anna uahahatton imam udde, atata'utta sulal᷊ummu paddasanannu taumatan Filistin mangke a'atambanna, na'oman sara i Saul nabbisara su imam udde, “I ite tate tempone maddorongnga tatantiro wuassu Mawu!”