YESAYA 9:4 - WUKE SUSI WATTI'U AL᷊AL᷊USASSA

⁴ Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YESAYA 9:4 Iomraidhean Croise

PANDARIADDI 27:40

I'o sarun mabbiakka wuassu hal᷊elenu, arawe maola'a allangngu tuarinu, arawe amungkangngu lumawangnga, i'o sarun mal᷊iu wuassu taṛṛinone.”

DARALO 125:3

Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

DARALO 81:6

I Tou na'ola'a sambau inanaramanna su walahannu Israel, sutempo i Tou inaite mando'appa Mesir. I Ya'u naaringikka sasinaukka apan awaganangku,

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

YESAYA 16:4

Wala'e i yami mattindaho su wanuanu. Lu'arewe i yami wuassu manga taumata apan mappulu mamate si yami.” (Pangangallangnga wuṛṛu pamamate sarun masue, wuṛṛu manga taumata apan makkimunsa'a wuṛṛu mangngallangnga wanua Israel sarun mawul᷊i.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 52:2

Darisikke wuassu awu, ei Yerusalem, tontonga'e awu apan uareetta si'o. Luatte ṛate apan uaiitta ullekkanu, ei tumana'u Sion apan niatawanna!

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

YEREMIA 30:8

Mawu Apan Lembontaṛṛino nabbisara apia su uman-Ne, “Napawe nia'omante allo udde, pasanganna apan niandangnga su pal᷊u'anu sarun Ta'u paddianna, wuṛṛu aiinnu sarun Ta'u wu'anna. I yamiu sarun tawe maola'a allangngu taumata raho apia.

YEREMIA 48:17

Ei i yamiu manga araratuanna uaal᷊indongannu Moab apan masingkattu atatelengnge, lallal᷊oten tou! Wal᷊oa'a, ‘Moab tate lai uataṛṛino, awawantuga wuṛṛu atatohanne nawul᷊ite!’

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

NAHUM 1:13

Orassa indi Ta'u insueanna taṛṛinon Asyur si yamiu, wuṛṛu Ta'u wassutanna ṛate apan uaṛṛapussa si yamiu.”