YESAYA 9:3 - WUKE SUSI WATTI'U AL᷊AL᷊USASSA

³ I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

YESAYA 9:3 Iomraidhean Croise

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

AYUB 12:23

Manga walahanna niolang-Nge aatambanna wuṛṛu su lal᷊umanna'a, ana see nipate-Ne i mangitou na'oman sara nasue.

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

DARALO 119:162

Paaire-Nu naal᷊uassa si ya'u, ere sangkatou taumata apan naasangkalla darotongnga.

DARALO 4:7

Manambo taumata ma'iwal᷊o, “Isai apan sarun mangal᷊amatta si ite?” Antimanna I'o umakkanni yami, oh Mawu.

YESAYA 10:26

Ya'u Mawu Apan Lembontaṛṛino, sarun manassakka si mangitou ringannu sambokka, ere lai i Ya'u nanassakka taumatan Midian su wowone watu Oreb. Asyur sarun Ta'u iṛṛuumanna ere lai i Ya'u nakkuumannu Mesir.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 14:5

Mawu buatte nanginsue pamamarenta manga tembonanne lal᷊eo

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 26:15

I'o buatte napaanambon kami uman-Nu, oh Mawu, wuṛṛu nanggewalla wageangngu leta'i yami, ana waugu udde I'o wantuhanna.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 54:1

Yerusalem, dorone i'o naal᷊ihidda wawine tinna apan tawe wotongnge manungkangnga. Arawe orassa indi paggiote, wuṛṛu pangantarite ringannu lulluassa! Ana waugu manga anangngu marasai nilumebbe wuassu ana'a wawine apan tawe nitantangngu awingnge.

YESAYA 55:12

I yamiu sarun manantangngu Babel ringannu al᷊al᷊uassa, wuṛṛu iuntudda sumabbangnga ringannu sal᷊amatta. Wowone wuṛṛu wuidda sarun lumuassa wuṛṛu maggio, manga aal᷊uanna su wawail᷊anna mattal᷊o'appu lima.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

YESAYA 65:18

Lalluasse wuṛṛu lallala'e saran mal᷊annu-l᷊annu ana waugu sarangkanambone apan niriaddi-U. I Ya'u na'ola'a Yerusalem wakku napenen al᷊al᷊uassa, wuṛṛu tumanangnge pasi lagge.

YESAYA 66:10

Lallala'e suadio'a ringannu Yerusalem, ei anambon taumata apan marangngu. I yamiu apan lullal᷊o ana waugu i tou, orassa indi wotongngete lumuassa.

YEREMIA 31:7

Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

HOSEA 4:7

Mallannu i yamiu aatambanna anambone, lembon marosa lai i yamiu si Ya'u, ei manga imam! Ana waugu udde olangnge sarun Tau wal᷊uanna: I yamiu sarun tate lai addatanna, ewe'e lallobbosanna.

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

ZAKARIA 10:8

Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ZAKARIA 8:23

Su manga allo udde siri mapul᷊o taumata raho sarun dumanta ringannu sangkatou taumatan Yahudi wuṛṛu mabbisara, ‘I yami mappulu maauntunnga ere i yamiu; ana waugu i yami naaringikka manungku Ruata nangal᷊amatta si yamiu.’ ” Mawu Apan Lembontaṛṛino buatte nabbisara.

LUKAS 11:22

Arawe amungkangngu sangkatou apan mattohasanna lumal᷊a'o wuṛṛu see i tou iaansukka, ne taumata apan mattohasanna udde sarun mangaṛṛo anambon ahidde apan naola'a atatohassu tatahuannu wal᷊e udde, see nattahiate anambon darotongnge udde.

WATTI'U MANGA RASUL 8:8

Ne manga taumata su soan Samaria udde mangke lulluassa.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

MAL᷊AṚṚUUNGNGA 5:3

Paddaringikke manga ratu wuṛṛu parinsi, i ya'u mangngantari maddalo Ruatan Israel, eteudde Mawu.

MAL᷊AṚṚUUNGNGA 7:22

Su tempo i Gideon wuṛṛu manga taumatane tantal᷊anna mattiuppa trompeta, na'ola'a manga tantaran seetta uapapangalo rundussa i mangitou, i mangitou uapapilitte sangkatou ringannu waine. I mangitou tinumal᷊angnga watukku Zerera araune maddatingngu Bet-Sita wuṛṛu soa Abel-Mehola maranin Tabat.

MAL᷊AṚṚUUNGNGA 8:12

I Zebah wuṛṛu i Salmuna, ruan katou ratun Midian udde tinumal᷊angnga, arawe i Gideon nangenggenna wuṛṛu nanametta sitarua, na'oman sara anambon tantaran pangalon tarua niṛumindu'a.

1 SAMUEL 30:16

Ana see i tou nanguntuddi mangitou su tampan taumata lal᷊eo udde. Sutempo udde, ammul᷊annu taumata lal᷊eo udde uasal᷊iawukka su ahewallu tampa, lapiddu u'anna, ma'inumma wuṛṛu na'ola'a andeangngu lal᷊ala'a ana waugu aroddi anambone saranapa apan niaaṛṛo wuṛṛu buatte niapiddi mangitou wuassu wanua Filistin wuṛṛu Yehuda.