Biblia Todo Logo
Bìoball air-loidhne

- Sanasan -




YESAYA 64:3 - WUKE SUSI WATTI'U AL᷊AL᷊USASSA

3 I'o buatte na'ola'a inolaanna apan bahewalla, apan tawe niaṛṛangngo kami. I'o sinumossokka, wuṛṛu su saruan-Nu manga wowone niumio'a.

Faic an caibideil Dèan lethbhreac




YESAYA 64:3
16 Iomraidhean Croise  

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.


Mangke wahewalla atonna manga inolaan-Ne su wanua udde, maatiangnga manara-Ne su Tahal᷊oangngu Gelagah.


Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.


Rantate wuṛṛu pa'ellege inolaannu Ruata, mangke maatiangnga manga manara-Ne suwallatu taumata!


Oh Ruata, sutempo I'o nangehetta al᷊aṛṛanang-Ngu niumamatta su wadda'a apan mamara,


Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.


Unnu Mawu si Musa, “Orassa indi i Ya'u ma'ola'a pa'aire ringannu walahannu Israel. Su saruannu matan mangitou i Ya'u sarun ma'ola'a manga al᷊aṛṛindu'a apan taambe saran paassa niola'a su anambon balahanna su runia. Anambon balahanna sarun maasilo manga al᷊aṛṛindu'a apan sarun Ta'u olaanna, ana waugu i Ya'u, Mawu sarun ma'ola'a sambau apan ma'ata'utta si yamiu.


Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.


Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,


I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.


Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.


Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.


Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.


Lean sinn:

Sanasan


Sanasan