YESAYA 6:1 - WUKE SUSI WATTI'U AL᷊AL᷊USASSA

¹ Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YESAYA 6:1 Iomraidhean Croise

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

2 MARARATU 15:7

I Uzia nate ana see nilabbinga su labbingu mararatun so Soan Daud. I Yotam anangnge naola'a ratu nallol᷊ossa si tou.

2 TAWARIKH 18:18

Mikha nabbisara apia, “Orassa indi paddaringikke wisaran Mawu! I ya'u naasilo Mawu ua'ianna su adderan araratuan-Ne su surga, wuṛṛu anambon mala'ekatta uarisikka marani-Ne.

AYUB 42:5

Dorone, asingka'u su ola'u Mawu tumba'u niaringiṛṛanna su taumata, Arawe orassa indi i ya'u naasingkatta Si'o ringannu uasasaruanna.

DARALO 108:5

Ana waugu darangngu-Nu wahewalla naddatingngu langitta, wuṛṛu apapia-Nu naddatingngu winabbawa.

DARALO 113:5

Isai ere Mawu Ruatan kite? I Tou ua'ianna su tampa apan matanggakka.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

SASABANGNGA 24:9

Wua'udde i Musa, i Harun, i Nadab, i Abihu wuṛṛu siri pitun pul᷊o piaṛṛa'a udde sinumaate wowone,

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

YEHEZKIEL 10:1

Ana see i ya'u na'ellega watukku atuppa apan roso su pua manga mala'ekatta udde, wuṛṛu i ya'u naasilo sambau apan ere adderan araratuanna wuassu watu nilam.

YEHEZKIEL 10:4

Semakka ma'al᷊angitta apan mammasingkattu daranta Mawu natuakka wuassu manga mala'ekatta udde wuṛṛu na'ingkatta watukku ngara sasuttanna su Wal᷊en Mawu, na'oman sara rallakke nabbal᷊i masema-semakka.

DANIEL 10:17

I ya'u naal᷊ihidda sangkatou allangnga apan uarisikka su saruannu tuangnge. Ereapa wotongnge i ya'u maggahatton Tuangnga? Ikka'u nasuete wuṛṛu sasangngo'u marenga.”

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

SONDAPPA 15:8

Ne Wal᷊en Ruata udde napeneten timbulla wuassu awawantuga wuṛṛu taṛṛinon Ruata. Wuṛṛu tantal᷊anna pitu asasusa apan niapiddu sire pitu mala'ekatta udde taambe nasue, tawe saran sangkatou apan botongnge maasutta sulal᷊ummu Wal᷊en Ruata.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 4:2

I ya'u lapiddu niintaṛṛoannu Ghaṛṛahon Ruata. See i ya'u naasilo su surga pia sambau adderan araratuanna, wuṛṛu pia sangkatou ua'ianna su adderan araratuanna udde.

SONDAPPA 4:3

Hatin taumata udde lullansiangnga naal᷊ihidda permata baiduri pandan wuṛṛu permata delima. Sambau randipakka ere zamrud uapal᷊iwutta adderan araratuanna udde.

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 5:1

Wua'udde i ya'u naasilo sambau lul᷊unnu wuke su liman i Tou apan ua'ianna su adderan araratuanna udde. Wuke udde napenem woṛṛetta su ruam baane wuṛṛu nireetannu pitum bau segele.

SONDAPPA 5:7

Wua'udde Ana'u Domba udde inumamatta wuṛṛu nanganu lul᷊unnu wuke udde wuassu lima uanannu taumata apan ua'ianna su adderan araratuanna udde.

SONDAPPA 6:16

Su manga wowone wuṛṛu su manga watu udde, i mangitou u'ui, “Aema'e si yami! Wunia'awe i yami wuassu aellegi Tou apan ua'ianna su adderan araratuanna, wuṛṛu wuassu asasa'un Ana'u Domba udde!