YESAYA 59:2 - WUKE SUSI WATTI'U AL᷊AL᷊USASSA

² Ana waugu ete al᷊al᷊eonu i Tou tawe maddaringikka sutempo i yamiu umal᷊iomanna si Tou. Ete manga rosanu apan nakkaen kamiu wuassu Ruata.

YESAYA 59:2 Iomraidhean Croise

AMSAL 15:29

Mawu maddaringikka napawe taumata mapia umal᷊iomanna, arawe i Tou tawe mappandumma taumata marosa.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

YESAYA 58:4

Tantal᷊anna mappuasa, i yamiu uatatiakka wuṛṛu uawawul᷊o wuṛṛu ma'inolaanna ringannu maṛṛagissa. Sunnanu ola'i yamiu mappuasa udde mangal᷊ore-U see maddaringikka manga aal᷊iomannu?

YEREMIA 5:25

Arawe manga rosanu eteudde maola'a hal᷊ahe su al᷊awo'u apapia, na'oman sara i yamiu tawe maatemma udde.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

YOSUA 7:11

Taumatan Israel buatte na'ola'a rosa. I Ya'u buatte namarenta tadea'u i mangitou sidutu uaagasa pa'aire su wallati mangitou wuṛṛu i ya'u, arawe i mangitou nilumawanna! Manga saranapa apan ṛinone tutunganna buatte nianu mangitou. I mangitou manna'o wuṛṛu namunin saranapa udde su wallatu saranapa mangitou tadea'u tawe asingkatanna.

1 SAMUEL 4:3

Sutempo tantara lambene apan niawaddo udde nabelengke surasanna, manga piaṛṛa'u Israel nabbisara, “Anio Mawu namalan kite niawaddon taumatan Filistin su allo indi? Wette i ite mangal᷊appa Wantallu Paairen Mawu su Silo, wuṛṛu iapiddi ite isindi, tadea'u Mawu mangontolla si ite wuṛṛu manal᷊amatta si ite wuassu seetta.”