YESAYA 53:3 - WUKE SUSI WATTI'U AL᷊AL᷊USASSA

³ I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

YESAYA 53:3 Iomraidhean Croise

DARALO 69:29

Wala'e aranni mangitou pappasanna wuassu wuken taumata wiakka; wuṛṛu tawe uawoṛetta sulal᷊ummu arannu taumata matul᷊idda.

DARALO 88:4

I ya'u niaṛṛiaannu manambo asasusa; papate uddete marani.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 52:14

Dorone manambo taumata niṛṛumindu'a naasilo si tou, pahudde nihohakka na'oman sara tate ere taumata lai.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

YESAYA 53:4

Suṛṛinone ete radda'i ite apan papasannananne, asasusan kite apan aapendamanne, sumbal᷊i i ite massunna asasusa udde ṛuumannu Ruata si tou.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

MATIUS 26:67

See i mangitou nangaddu hati Mawu Yesus, wuṛṛu namuulla si Tou. Piaddu lai namero si Tou,

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MARKUS 10:33

“Padaringikka,” wisara-Ne, “I ite orassa indi tantal᷊anna mattudan Yerusalem. Poiaroddi Ana'u Taumata sarun itantilla su manga imam tembonanne wuṛṛu manga hurun agama. I Tou sarun iṛṛuumanna ma'oman sara mate, wua'udde itantilla su manga taumata wal᷊ine Yahudi.

MARKUS 10:34

I mangitou sarun mangal᷊uandaga si Tou, wuṛṛu mangaddu si Tou, manansara si Tou, wuṛṛu mangarussan Tou. Arawe su allo atallune i Tou sarun mabangunna apia.”

MARKUS 14:34

“Naungku massusa atonna,” unnu Mawu Yesus si mangitou, “pendamanna ere mappulute mate. Atana'e isindi wuṛṛu paariagate!”

MARKUS 15:19

I mangitou namuulla pua Mawu Yesus ringannu ta'inna, see i mangitou nangaddu si Tou wuṛṛu nassubba su saruanni Tou.

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

LUKAS 8:53

I mangitou nilumage Mawu Yesus, ana waugu i mangitou masingkatta manungku ana'a wawine udde natete.

LUKAS 9:22

Mawu Yesus nabbisara apia, “Ana'u Taumata sarun matataṛṛangnga wuṛṛu ipasseettu manga piaṛṛangnge wuṛṛu manga imam tembonanne, see manga hurun agama. I Tou sarun pateanna, arawe su allo atallune sarun iapawangunna apia.”

YOHANES 11:35

See Mawu Yesus nilumuai.

YOHANES 8:48

Manga taumatan Yahudi udde sinumimbakka Mawu Yesus, “Wal᷊inewe atonna wisarang kami manungku I'o taumatan Samaria apan niasuttannu setanna?”

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.