YESAYA 53:1 - WUKE SUSI WATTI'U AL᷊AL᷊USASSA

¹ Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

YESAYA 53:1 Iomraidhean Croise

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

LUKAS 18:31

Mawu Yesus nangammullu sire mapul᷊o dua mallal᷊aṛṛenggen-Ne su sambau see nabbisara, “Padaringikka! I ite orassa indi mabatukku Yerusalem. Poiaroddi, sarangkanambone apan niwoṛṛettu manga nabi su ola'u Ana'u Taumata sarun matipussa.

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

YOHANES 1:7

I tou nirumanta mammasingkattu asasemakka udde, tadea'u anambon taumata mangngimanna.

YOHANES 12:38

Ne natipusse apa apan niapasingkatti Nabi Yesaya, “Mawu, isai mangngimanna watti'i yami? Ete sisai taṛṛino Mawu niapaal᷊iatta'a?”

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

1 KORINTUS 1:24

Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.