YESAYA 5:7 - WUKE SUSI WATTI'U AL᷊AL᷊USASSA

⁷ Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YESAYA 5:7 Iomraidhean Croise

PANDARIADDI 4:10

Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

2 SAMUEL 7:10

See lai pabbawala-U Israel buatte Ta'u nisaddianna tampa wuṛṛu Ta'u nirolokka i mangitou mamanua isudde, tadea'u i mangitou wotongnge mabbiakka ringannu matammudda, taweddu manal᷊awa'a lai. Ro'en i mangitou naranta su leta'a indi dorone, wuṛṛu lai Ta'u nitenega manga piaṛṛa'i mangitou, i mangitou buatte nipangaloannu manga taumata apan maapulun araṛṛagissa, arawe olangnge udde tawe nariaddi apia. I Ya'u maddiandi manungku i'o sarun marau wuassu al᷊awo'u hatin seetta, wuṛṛu i Ya'u lai sarun mangonggollu papapulunna si'o.

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

DARALO 147:11

Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 80:15

Oh Ruata Apan Lembontaṛṛino, rantate apia, pangintannote wuassu surga wuṛṛu pa'ellege al᷊aṛṛanang-Ngu.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

MANNANASE 4:1

Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

ANTARI MAWANTUGA 7:6

Maṛṛamaga atonna i'o, apan arangnguanna suwallattu apan ilalluassa.

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

YESAYA 1:6

Wuassu pua maddatingngu pal᷊addu ledda taweddu mapia su waddangngu. I yamiu napenen manga hanne, manga liwitta wuṛṛu manga lessa. Manga lessanu udde taambe niwaresi ara'e niwa'issa, tawe lai niundamannu lana.

YESAYA 27:2

Sutempo udde Mawu sarun mabbisara, “Pangantarite su ola'u wawail᷊annu anggore-U apan maṛṛansangnga.

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

YESAYA 3:17

Arawe i Ya'u sarun makkuumanni mangitou; puan mangitou sarun mapenen akke wuṛṛu lungguṛṛanna.”

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

YESAYA 46:12

Paddaringikke si Ya'u, ei manga taumata mawunga, i yamiu apan massunna manungku auntunganna ta'e marau.

YESAYA 5:2

I tou mammasolla letangnge wuṛṛu mandamme manga watune. I tou nassuannu anggore apan nipilene i tou napararisikku wal᷊en matanggakka pandiagganna. I tou naal᷊i sambau loṛṛangnga tampa pamakkannu anggore, ana see i tou naṛṛaddo wuane mal᷊aha arawe wuane ewe'e anggore apan mapakkadda.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 59:14

Tita apan matul᷊idda buatte niramme, wuṛṛu atatul᷊idda niapaarau. Apapia naungnga tate iaregga su tangngan awadaalla, wuṛṛu asasaṛṛionto'a nital᷊i'uranna.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

YEREMIA 12:10

Manambo tembonannu raho apan buatte nanggohakku waillu anggore pussa'a-U wuṛṛu ringanna naṛṛinda manga wawail᷊ang-Ku. Wanua-U apan maṛṛansangnga niwal᷊un mangitou nabbal᷊i wadda'u anne apan mal᷊annabba.

YEREMIA 24:2

So'anna paarorone lal᷊oṛṛuannu wuan ara apan apianne, ere wuan ara wua paarorone, ewe'e so'anna aruane lal᷊oṛṛoannu wuan ara apan mawukku'e, na'oman sara tawe iaanna.

YEREMIA 50:46

Napawe Babel nanawote, sarun aṛṛingiṛṛanna paggahahio apan aroddi asaddanne na'oman sara ahewallu runia umio'a; manga aintul᷊in tumanangne sarun aringiṛṛannu manga walahanna waine.”

YEHEZKIEL 22:29

Manga taumata ala mammahia wuṛṛu mangngaṛṛo. I mangitou ma'ola'a taumata asiangnga ringannu walate apulu wuṛṛu mangnganu auntunganna wuassu taumata raho.

HOSEA 10:1

Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

HABAKUK 1:3

Anio niwala-Nu i ya'u ma'ellega aroddi anambone al᷊al᷊eo? Ṛatadde I'o maataṛṛangnga maasilo aroddi anambone pallal᷊awangnga? Su al᷊awo'u tampa pia araṛṛimunsa'a wuṛṛu araṛṛagissa, pabbawawul᷊o wuṛṛu pattatiakka.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

TAHIUL᷊E 15:9

Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.